ডিজিটেল ডেস্কঃ এয়া একবিংশ শতিকাৰ সামাজিক মাধ্যমৰ যুগ,প্ৰতিজন ব্যক্তিৰে আছে সামাজিক মাধ্যমত এটা একাউণ্ট৷ এই দৌৰত পিছ পৰি ৰোৱা নাই দেশৰ আইএএছ আৰু আইপিএছ বিষয়াসকল৷প্ৰতিদিনেই সাংঘাতিক ধৰণে প্ৰশাসনিক বিষয়াসকলৰ সামাজিক মাধ্যমত অনুৰাগীৰ সংখ্যা বৃদ্ধি হৈছে৷
ইয়াৰ মাজতে সামাজিক মাধ্যমত চৰ্চা লাভ কৰিছে এগৰাকী ভাৰতীয় প্ৰশাসনিক সেৱাৰ মহিলা বিষয়া সোণল গোৱেল,বিষয়াগৰাকীৰ ইনষ্টাগ্ৰাম একাউণ্টত আছে ৭০০,০০০ অনুৰাগী৷ শেহতীয়াকৈ IASOWA আৰু Miss Shaina NC ৰ যৌথ উদ্যোগত অনুষ্ঠিত "ৱাক ফৰ এ ক’জ" শীৰ্ষক ফেশ্বন শ্বত এখন ৰঙা শাৰী পৰিধান কৰি বিষয়াগৰাকীয়ে সামাজিক মাধ্যমত তোলপাৰ লগাইছে৷
উল্লেখযোগ্য যে সোণল গোৱেলৰ জন্ম হাৰিয়ানা ৰাজ্যৰ পাণিপথত৷ তেওঁ ২০০৮চনত ভাৰতীয় লোকসেৱা আয়োগৰ পৰীক্ষাত উত্তীৰ্ণ হয়৷
সোণলে দিল্লীৰ শ্ৰী ৰাম কলেজ অৱ্ কমাৰ্চ,দিল্লী বিশ্ববিদ্যালয়ৰ পৰা স্নাতক ডিগ্ৰী আৰু তাৰপিছত তেওঁ আইনৰ স্নাতক ডিগ্ৰী গ্ৰহণ কৰে৷প্ৰথমে প্ৰশাসনিক সেৱাত যাবলৈ ইচ্ছা নাছিল যদিও আলোচনীত প্ৰকাশিত প্ৰবন্ধৰ পঢ়ি প্ৰশাসনিক সেৱাত আগ্ৰহ বৃদ্ধি পায় ৷
২০০৬ চনত ভাৰতীয় লোকসেৱা আয়োগৰ প্ৰথমটো পৰীক্ষাত সোণল গোৱেল সফল নহয় যদিও ২০০৭চনত দ্বিতীয় প্ৰচেষ্টাত অৱতীৰ্ণ হৈ ত্ৰয়োদশ স্থান লাভ কৰে৷
Continue Reading
