ডিজিটেল ডেস্কঃ সমগ্ৰ বিশ্বৰ চকু এতিয়া ব্ৰিটেইনৰ ওপৰত। বৰিছ জনছনৰ পদত্যাগৰ পাছত এই মুহূৰ্তত আটাইতকৈ চৰ্চিত হৈ পৰিছে ঋষি সুনক। বিশ্ব ৰাজনীতিত কেৱল ব্ৰিটেইনতে নহয়, ভাৰততো ঋষি সুনকক লৈ দেখিবলৈ পোৱা গৈছে অন্তহীন কৌতুহল।
ইয়াৰ মাজতে ঋষি সুনকৰ পত্নী অক্ষত মূৰ্তিয়ে দখল কৰিছে বাতৰিৰ শিৰোনাম। আলোচনাৰ বিষয় হৈ পৰিল তেওঁ পৰিবেশন কৰা চাহ। কাপৰ মূল্যক কেন্দ্ৰ কৰি সৃষ্টি হৈছে বিতৰ্কৰ। এই বিষয়টোক লৈ ছ’চিয়েল মিডিয়াত বিভিন্ন মন্তব্য শুনিবলৈ পোৱা গৈছে। ছবি আৰু ভিডিঅ’ত দেখা গৈছে যে, ঋষি সুনকৰ পদত্যাগৰ ঠিক পিছতেই সুনকৰ বাসগৃহৰ সন্মুখত সমবেত হোৱা সাংবাদিক আৰু ফটোগ্ৰাফাৰক চাহ পৰিৱেশন কৰা অক্ষত মূৰ্তিক দেখিবলৈ পোৱা যায়।
সেইদিনা সমবেত সাংবাদিক সকলক যি কাপত অক্ষতা মূৰ্তিয়ে চাহ পৰিবেশন কৰিছিল সেয়া অমূল্য। ভাৰতীয় মুদ্ৰাত এটা কাপৰ মূল্য প্ৰায় ৩৬২৬ টকা! ছ’চিয়েল মিডিয়াত নেটিজেনে তাৰ বাবে কৰিছে সমালোচনা। এটা পৰিয়ালক এটা কাপৰ মূল্যত দুদিনৰ আহাৰ যোগান ধৰিব পাৰি বুলি নেটিজেনে মন্তব্য কৰিছে।
ঋষিৰ পাকঘৰত দামী কাপ থাকিব পাৰে। কিন্তু হঠাতে এই আলোচনা কিয়? ইয়াৰ আঁৰতো আছে নানা কাৰণ। আনকি, কৰ’না আতিমাৰীৰ সময়তো জনসাধাৰণৰ পৰা কৰ সংগ্ৰহ কৰাত লক্ষ্যণীয় ভূমিকা গ্ৰহণ কৰিছিল তেওঁ। স্বাভাৱিকতে, ঋষি সুনকৰ পত্নীয়ে পৰিৱেশন কৰা চাহৰ কাপটোৱে এতিয়া আলোচনাৰ কেন্দ্ৰবিন্দু হৈ পৰিছে।
Continue Reading
