ডিজিটেল ডেস্ক: ইলেক্ট’ৰেল বণ্ডৰ তথ্যই উন্মোচিত কৰিব গোপন অধ্যায়৷ SBIৰ শপত নামাত ফাদিল হৈছে ৰাজনৈতিক দলৰ চান্দাৰ ৰহস্য। ৫ বছৰত ক্ৰয় কৰা হৈছে ২২ হাজাৰ ২১৭ কোটি টকাৰ ইলেক্ট’ৰেল বণ্ড।
চান্দাৰ নামত ৰাজনৈতিক দলৰ বৰপেৰালৈ গৈছে ২২ হাজাৰ ৩০ কোটি। আনহাতে ৫ বছৰত ১৮৭ বণ্ড জমা হ’ল PM ৰিলিফ ফাণ্ডত। কিয়নো এই ১৮৭ খন ইলেক্ট’ৰেল বণ্ড গ্ৰহণ নকৰিলে কোনো এটা ৰাজনৈতিক দলে। ইতিমধ্যে পেন ড্ৰাইভৰ জৰিয়তে কেন্দ্ৰীয় নিৰ্বাচন আয়োগক দুটা ফাইল জমা SBI কৰ্তৃপক্ষৰ।
যাৰ ভিতৰত এটা ফাইলত আছে বণ্ড ক্ৰয়কাৰীৰ সমস্ত তথ্য। ফাইলটো আছে বণ্ডৰ ৰাশি তথা ক্ৰয়ৰ তাৰিখ। দ্বিতীয়টো ফাইলত আছে চান্দা গ্ৰহণকাৰী ৰাজনৈতিক দলৰ তথ্য। বন্ধ লেফাফাত দুয়োটা ফাইলৰ প্ৰতিলিপিও জমা SBIৰ। ফাইল খোলাৰ পাছৱৰ্ডৰ সবিশেষো জমা দিছে SBIএ। কিয়নো ১২ মাৰ্চত ইলেক্ট’ৰেল বণ্ডৰ সমস্ত তথ্য জমা দিয়াৰ বাবে ভাৰতীয় ষ্টেট বেংকক নিৰ্দেশ দিছিল উচ্চতম ন্যায়ালয়ে। নিৰ্দেশৰ পাছতে উচ্চতম ন্যায়ালয়ত ১২ মাৰ্চত শপতনামা দাখিল কৰিছিল SBIৰ অধ্যক্ষ দীনেশ কুমাৰে।
এই শপতনামাত ECIক ইলেক্ট’ৰেল বণ্ডৰ সকলো তথ্য জমা দিয়াৰ কথা উল্লেখ কৰিছিল SBIৰ অধ্যক্ষগৰাকীয়ে। এতিয়া ১৫ মাৰ্চত ECIএ সদৰী কৰিব ইলেক্ট’ৰেল বণ্ডৰ তথ্য। ECIৰ ৱেবছাইটত উপলব্ধ হ’ব বণ্ডৰ সবিশেষ তথ্য। যাৰ পাছতেই ওলাই পৰিব বিগত ৫ বছৰত দেশৰ ৰাজনৈতিক দলসমূহে গ্ৰহণ কৰা চান্দাৰ সবিশেষ তথ্য। কোন পুঁজিপতি, কোন ক’ৰ্পোৰেট গোষ্ঠীৰ পৰা চান্দাৰ নামত কোটি কোটি টকা সংগ্ৰহ কৰিছিল ৰাজনৈতিক দলসমূহে। সেই সমূদায় তথ্য অতি শীঘ্ৰেই প্ৰকাশ পাব ECIৰ ৱেবছাইটত। যাক লৈ এতিয়া লোকসভা নিৰ্বাচনৰ পূৰ্বে শ’লঠেকত পৰিছে শাসক তথা বিৰোধী ৰাজনৈতিক দল৷
Continue Reading
