ডিজিটেল ডেস্কঃ আন্তঃৰাষ্ট্ৰীয় ক্ৰিকেটত ২৫,০০০ ৰাণ সম্পূৰ্ণ কৰিলে বিৰাট কোহলীয়ে। এইক্ষেত্ৰত তেওঁ শচীন তেণ্ডুলকাৰ আৰু ৰিকি পন্টিংক অতিক্ৰম কৰিছে।
পৰিসংখ্যা অনুসৰি, আন্তঃৰাষ্ট্ৰীয় ক্ৰিকেটত ২৫,০০০ ৰাণ সম্পূৰ্ণ কৰিবলৈ শচীনক ৫৭৭ ইনিংছ লাগিছিল। সামগ্ৰিকভাৱে তেওঁ ৬৬৪ খন মেচত ৩৪, ২৫৭ ৰাণ সংগ্ৰহ কৰিছিল। গড় আছিল ৪৮.৫২।
বিৰাটে ৫৪৯ টা ইনিংছতে সেই মাইলৰ খুঁটিত উপনীত হৈছে। অৰ্থাৎ, বিৰাটে শচীনতকৈ ২৮ টা ইনিংছ কম খেলি সেই অভিলেখ গঢ়িছে। আন্তৰ্জাতিক ক্ৰিকেটত দ্ৰুততম ২৫,০০০ ৰাণ কৰা তাৰকা ক্ৰিকেটাৰ হিচাপে পৰিগণিত হৈছে কোহলী। তেওঁ গড় হৈছে ৫৩.৬৪। কোহলীৰ কেৰিয়াৰত মুঠ খেলৰ সংখ্যা হৈছে ৪৯২খন।
দিল্লীত অষ্ট্ৰেলিয়াৰ বিৰুদ্ধে দ্বিতীয় ইনিংছত বিৰাটে ৮৪ টা বলত ৪৪ ৰাণ কৰিছিল। কিন্তু তেওঁক যিধৰণে আউট দিয়া হৈছিল তাক লৈ বহুতে সুখী হ’ব নোৱাৰিলে। বহুতে সিদ্ধান্ত সমীক্ষা প্ৰণালীৰ (ডিআৰএছ) ওপৰত ক্ষোভ প্ৰকাশ কৰিছিল।
অৱশ্যে, দ্বিতীয় ইনিংছত বিৰাট বেয়াকৈ আউট হয়। ভাৰতীয় দলৰ প্ৰাক্তন অধিনায়কজন টড মাৰ্ফিৰ বলত ক্ৰীজৰ পৰা ওলাই আহি বলটো ডিফেণ্ড কৰিবলৈ গৈছিল। বলটো ওলাই যায়। অষ্ট্ৰেলিয়াৰ উইকেটকীপাৰজনে উইকেটৰ পিছফালে এটা সহজ ষ্টাম্পিং কৰে। দ্বিতীয় ইনিংছত বিৰাটে ২০ ৰাণ সংগ্ৰহ কৰে।
Continue Reading
