ডিজিটেল ডেস্কঃ ২০জুলাইৰ পৰা চানমাৰিৰ শিক্ষক ভৱনত অনুষ্ঠিত হৈ থকা ৪৬ সংখ্যক সদৌ অসম অনুৰ্দ্ধ ৭ বছৰ আন্ত:জিলা দবা প্ৰতিযোগিতাৰ চতুৰ্থ ৰাউণ্ডৰ শেষত লৰা শাখাত গুৱাহাটীৰ ৰিয়ান নবিশে ৪ ৰাউণ্ডৰ খেলত ৪ পইণ্ট সংগ্ৰহ কৰি শীৰ্ষ স্থানত আছে। চতুৰ্থ ৰাউণ্ডৰ খেলত ৰিয়ানে গুৱাহাটীৰে শুৰ্য়াংশু শইকীয়াক পৰাস্ত কৰে।
কাছাৰৰ সুদীপ্ত পল আৰু ৰনবীৰ দেৱ, কৰিমগঞ্জৰ চৈয়দ মেহদিয়ে ৪ ৰাউণ্ডৰ পৰা ৩.৫ পইণ্ট সংগ্ৰহ কৰি দ্বিতীয় স্থানত আছে। ৩ পইণ্টকৈ সংগ্ৰহ কৰি গুৱাহাটীৰ শুৰ্য়াংশু শইকীয়া, হ্ৰেয়াংশ ডেকা, শ্ৰীহান কুমাৰ হোৰ, কৰিমগঞ্জৰ চৈয়দ ইব্ৰাহিম, ডিব্ৰুগড়ৰ নিবিৰ ডেকা আৰু শিৱসাগৰৰ প্ৰনীথ শৰ্মাই তৃতীয় স্থানত আছে ।
ছোৱালী শাখাত গুৱাহাটীৰ আৰ্য্য জৈনে শোণিতপুৰৰ আদৃজা কলিতাক পৰাজিত কৰি চতুৰ্থ ৰাউণ্ডৰ শেষত ৪ পইণ্ট সংগ্ৰহ কৰি শীৰ্ষ স্থানত আছে। যোৰহাটৰ নিদা নাজনিন আৰু আদৃজা খনিকৰ, শোণিতপুৰৰ আদৃজা কলিতা আৰু গুৱাহাটীৰ চাৰ্ভীশ্ৰী বৰ্মনে ৩ পইণ্টকৈ সংগ্ৰহ কৰি দ্বিতীয় স্থানত আছে। যোৰহাটৰ চানভি কাশ্যপে ২.৫ পইণ্ট সংগ্ৰহ কৰি তৃতীয় স্থানত আছে।
লৰা আৰু ছোৱালীৰ উভয় শাখাত মুঠ ৫৪ জন প্ৰতিযোগীয়ে অংশ গ্ৰহণ কৰা এই প্ৰতিযোগিতাৰ পৰাই আগন্তুক অনুৰ্দ্ধ ৭ ৰছৰৰ ৰাস্ত্ৰীয় দবালৈ অসম দল বাছনি কৰা হব। প্ৰতিযোগিতাখন গুৱাহাটী দবা একাডেমীয়ে অসম দবা সন্থাৰ হৈ আয়োজন কৰিছে।
Continue Reading
