ডিজিটেল ডেস্কঃ ৪৬ সংখ্যক সদৌ অসম আন্ত: জিলা মুকলি দবা প্ৰতিযোগীতাৰ চেম্পিয়নৰ খিতাপ অৰ্জন কাছাৰৰ ৰাহুল চ'ৰম সিঙে । দবা প্ৰতিযোগিতা খনৰ চূড়ান্ত তথা নৱম ৰাউণ্ডত অভিযুক্ত নীলভজ্যোতি বৰঠাকুৰে মুখা মুখি হোবা তীব্ৰ প্ৰতিদ্বন্দ্বিতামূলক খেল খনত শেষ হাঁহি মাৰে ৰাহুলে ।
প্ৰতিযোগিতাৰ ন ৰাউণ্ডৰ খেলত ৮ পইণ্ট সংগ্ৰহ কৰি চূড়ান্ত বিজয়ীৰ সন্মান লাভ কৰে অসমৰ প্ৰতিভা সম্পন্ন দবাৰু ৰাহুল চ'ৰম সিঙে । ২০১৬ আৰু ২০১৭ চন চেম্পিয়ন হৈছিল তেওঁ । প্ৰতিযোগিতা খনত ৭ পইণ্টকৈ লাভ কৰি দ্বিতীয় , তৃতীয় আৰু চতুৰ্থ স্হান দখল কৰে ক্ৰমে ডিব্ৰুগড়ৰ আভাস ৰম্য হাজৰিকা(৭) , শিৱসাগৰৰ শান্তনু বৰপাত্ৰ গোঁহাই (৭)আৰু তন্ময় ৰাজবংশীয়ে ।
পশ্চিম কাৰ্বি আংলঙ দবা সন্হাৰ উদ্যোগত জিলাখনৰ দংকামোকামৰ টাউন ক্লাবত ৪ জুলাইৰ পৰা ৮ জুলাইলৈ অনুস্হিত হৈছিল আন্ত:জিলা দবা প্ৰতযোগিতা খন। বিজয়ী খেলুৱৈ সকলক বঁটা আৰু নগদ ধন পুৰস্কাৰ হিচাপে প্ৰদান কৰা হয় ।
উক্ত বঁটা প্ৰদান অনুষ্ঠানত কাৰ্বিআংলং স্বায়ত্ব পৰিষদৰ মূখ্য কাৰ্যবাহী বিষয়া তুলিৰাম ৰাংহাং , সাংসদ হৰেণ সি বে', বিধায়ক ৰূপসিং টেৰণকৰ উপস্হিত থাকি খেলুৱৈ সকলক বঁটা প্ৰদান কৰে । আনহাতে প্ৰতিযোগিতা খনৰ শ্ৰেষ্ঠ পুৰুষ দল আৰু শ্ৰেষ্ঠ জিলা দলৰ খিতাপ দখল কৰে ক্ৰমে কাছাৰ আৰু পশ্চিম কাৰ্বিআংলং জিলাই ।উল্লেখ্য অসমৰ ১৪ খন জিলাৰ ৯০ গৰাকী দবাৰুৱে অংশ গ্ৰহণ আন্ত: জিলা দবা প্ৰতিযোগিতাখন সুচাৰু ৰূপে পৰিচালনা কৰে ফিডে আৰ্বিটাৰ প্ৰণৱ কুমাৰ নাথে ।
Continue Reading
