ডিজিটেল ডেস্কঃ বৰ্ণবাদ ৰোধৰ বাবে ব্ৰাজিলে নতুন আইন প্ৰৱৰ্তন কৰিলে। সেই আইনখনৰ নাম সেই দেশৰ ফুটবলাৰ ভিনিচিয়াছ জুনিয়ৰৰ নামেৰে ৰখা হৈছে। নতুন আইন অনুসৰি খেলৰ সময়ত যিকোনো বৰ্ণবাদী কাণ্ডৰ ফলত খেল বন্ধ বা পিছুৱাই দিয়া হ’ব।
উল্লেখ্য যে স্পেনিছ ঘৰুৱা লীগত ৰিয়েল মাদ্রিদৰ হৈ খেলি থকাৰ সময়তে ভিনিচিয়াছক ১০ বাৰ বৰ্ণবাদী নিৰ্যাতন চলোৱা হৈছিল। শেষবাৰৰ বাবে তেওঁক বৰ্ণবাদী নিৰ্যাতন চলোৱা হৈছিল মে’ মাহত ভেলেন্সিয়াৰ বিৰুদ্ধে এখন মেচত। সেই কাণ্ড চৰ্চাৰ কেন্দ্ৰবিন্দু হৈ পৰিছিল। বহুতে ভিনিচিয়াছৰ কাষত থিয় হৈছিল। তাৰ পিছতে ব্ৰাজিলত নতুন আইন প্ৰণয়ন কৰা হ’ল।
ব্ৰাজিলৰ স্থানীয় ফুটবলাৰসকলে এই আইনক সমৰ্থন কৰে। ব্ৰাজিল চৰকাৰে জুন মাহত এই আইন প্ৰৱৰ্তন কৰিছে। নাম দিয়া হৈছে ‘ভিনি জুনিয়ৰ এক্ট’। এই আইনখনত বৰ্ণবাদী আক্ৰমণ ৰোধৰ বাবে কি ব্যৱস্থা গ্ৰহণ কৰিব লাগে আৰু কিয় মানুহক সজাগ কৰিব লাগে সেই বিষয়ে বিতংভাৱে উল্লেখ কৰা হৈছে।
মাৰাকানা ষ্টেডিয়ামত অনুষ্ঠিত এক অনুষ্ঠানত ভিনিচিয়াছে আ্ইনখনৰ বিষয়ে কয়- ''আজি এটা বিশেষ দিন। আশাকৰোঁ মোৰ পৰিয়ালে গৌৰৱ কৰিব। কেতিয়াও ভবা নাছিলো যে এদিন মোৰ নামেৰে এখন আইনৰ নাম ৰখা হ’ব।
Continue Reading
