ডিজিটেল ডেস্কঃচীনত শেহতীয়াকৈ উদ্ধাৰ হোৱা এক নতুন জীৱাশ্মই এতিয়া হতবাক কৰি তুলিছে বিজ্ঞানীসকলক৷ বিজ্ঞানীসকলে আৱিষ্কাৰ কৰা জীৱাষ্মবিধ দেখিবলৈ চৰাইৰ দৰে যদিও ইয়াৰ জঁকাটো আকৌ ডাইনোচৰৰ দৰে৷ এই জীৱাষ্মই বিজ্ঞানীসকলক চৰাইৰ বিৱৰ্তনৰ বহু আভাস দিবলৈ সক্ষম হ’ব বুলি ধাৰণা কৰা হৈছে৷ এই জীৱাষ্মক ডাইনোচৰৰ বংশধৰ বুলি বিশ্বাস কৰা হৈছে । জীৱবিজ্ঞানীসকলে এই ১২০ নিযুত বছৰ পুৰণি জীৱাশ্ম বিচাৰি পোৱাৰ পিছতে নতুনকৈ জীৱৰ বিৱৰ্তনৰ বিষয়টো চিন্তা কৰিবলৈ বাধ্য হৈছে৷
গৱেষকসকলে উল্লেখ কৰিছে যে ক্ৰেটেচিয়াছ যুগ হৈছে এক সংকটজনক সময়ৰ ব্যৱধান য'ত স্থলজ মেৰুদণ্ডী প্ৰাণীৰ বিস্ফোৰক বৈচিত্ৰতা অন্তৰ্ভুক্ত হৈ আছিল৷
জীৱাশ্মবিধকলৈ চীনৰ ইনষ্টিটিউট অফ পেলোণ্টোলজী এণ্ড পেলিঅ'এনথ্ৰোপলজী (আইভিপিপি)ৰ জীৱবিজ্ঞানীসকলে গৱেষণা আৰম্ভ কৰিছে৷ বিজ্ঞানীৰ দলটোৱে উচ্চ-ৰিজলিউশ্বন কম্পিউটেড টমোগ্ৰাফী (চিটি) স্কেনিং ব্যৱহাৰ কৰি এই গৱেষণা চলাই গৈছে৷ ক্ৰেটোনাভিছৰ মগজুটো চৰাইৰ দৰে হোৱাৰ সলনি টাইৰানোচৰাছ ৰেক্সৰ দৰে ডাইনোচৰৰ সৈতে প্ৰায় একে।
Continue Reading
