ডিজিটেল ডেস্ক: ২০১৮ৰ ২৪ ফেব্ৰুৱাৰীত বিয়োগ ঘটিছিল অভিনেত্ৰী শ্ৰীদেৱীৰ৷ শ্ৰীদেৱীৰ মৃত্যুৰ ছবছৰ পাছত তেওঁৰ মৃত্যুৰে সম্পৰ্কিত এটা গোচৰত চাৰ্জশ্বীট দাখিল কৰিছে চিবিআই-এ৷ ভুৱা তথ্য ব্যৱহাৰ কৰাৰ অভিযোগ ইউটিউবাৰ দীপ্তি আৰ পিনিটিৰ বিৰুদ্ধে৷
চিবিআই-এ পিনিটিৰ বিৰুদ্ধে অভিযোগপত্ৰ দাখিল কৰি কয় যে তেওঁ শ্ৰীদেৱীৰ মৃত্যুক লৈ তেওঁৰ দাবীৰ সমৰ্থনত পত্ৰ জালিয়াতি কৰিছিল।
চিবিআইৰ মতে, পিনিটিৰ ইউটিউব ভিডিঅ’ত প্ৰধানমন্ত্ৰী নৰেন্দ্ৰ মোদী আৰু প্ৰতিৰক্ষা মন্ত্ৰী ৰাজনাথ সিঙকে ধৰি বিশিষ্ট ব্যক্তিসকলৰ পৰা জাল পত্ৰ প্ৰকাশ পাইছিল। মুম্বাইস্থিত অধিবক্তা চান্দনী শ্বাহৰ অভিযোগৰ পাছত চিবিআই-এ যোৱা বছৰ ইউটিউবাৰৰ বিৰুদ্ধে এটা গোচৰ ৰুজু কৰিছিল।
শ্বাহে অভিযোগ কৰিছিল যে পিনিটিয়ে উচ্চতম ন্যায়ালয় সম্পৰ্কীয় নথিপত্ৰ আৰু ইউএই চৰকাৰৰ ৰেকৰ্ডৰ সৈতে প্ৰধানমন্ত্ৰী আৰু প্ৰতিৰক্ষা মন্ত্ৰীৰ পত্ৰকে ধৰি কেইবাবিধো জাল নথি পত্ৰ প্ৰস্তুত কৰিছিল।
শ্ৰীদেৱী আৰু সুশান্ত সিং ৰাজপুতকে ধৰি বলীউডৰ বিখ্যাত অভিনেতাসকলৰ মৃত্যু সন্দৰ্ভত হোৱা আলোচনা সন্দৰ্ভত পিনিটি ছ‘চিয়েল মিডিয়াত সক্ৰিয় হৈ আছে।
২০১৮ চনৰ ফেব্ৰুৱাৰীত ডুবাইত শ্ৰীদেৱীৰ মৃত্যু হৈছিল। পিনিটিয়ে শ্ৰীদেৱীৰ মৃত্যু সন্দৰ্ভত কেইবাটাও চাঞ্চল্যকৰ দাবী কৰিছিল৷
চিবিআইয়ে ২ ডিচেম্বৰত ভুবনেশ্বৰত থকা তেওঁৰ বাসগৃহত তালাচী চলাই ফোন আৰু লেপটপকে ধৰি বিভিন্ন ডিজিটেল সঁজুলি জব্দ কৰিছিল।
চিবিআইয়ে এখন বিশেষ আদালতত দাখিল কৰা প্ৰতিবেদন অনুসৰি, তদন্তত প্ৰকাশ পাইছে যে প্ৰধানমন্ত্ৰী আৰু প্ৰতিৰক্ষা মন্ত্ৰীৰ সৈতে সম্পৰ্কিত ইউটিউব আলোচনাৰ সময়ত তেওঁ উপস্থাপন কৰা নথিপত্ৰসমূহ ভুৱা আছিল। সংস্থাটোৱে ভাৰতীয় দণ্ডবিধিৰ প্ৰাসংগিক ধাৰাৰ অধীনত তেওঁৰ আৰু কামাথৰ বিৰুদ্ধে অভিযোগপত্ৰ দাখিল কৰিছে, যাৰ ভিতৰত আছে ১২০-বি (অপৰাধমূলক ষড়যন্ত্ৰ), ৪৬৫, ৪৬৯ আৰু ৪৭১ ধাৰা৷
Continue Reading
