শ্ৰীলংকাত দুৰ্ঘটনাত নিহত পুত্ৰ, পিতৃসহ এনডিটিভিৰ নিউজ এংকৰ কানুপ্ৰিয়া চাইগল, ট্ৰেভেল এজেঞ্চীক ৫০ লাখ টকাৰ ক্ষতিপূৰণ আদায়ৰ নিৰ্দেশ

ডিচেম্বৰ ২০১৯ৰ দুৰ্ঘটনাত মৃত্যু হোৱা লোক জনৰ পত্নী কানুপ্ৰিয়া চাইগল এনডিটিভিৰ নিউজ এংকৰ আছিল৷ কলম্বোত তেওঁলোকে যাত্ৰা কৰি থকা ভানখনৰ  এখন  কণ্টেইনাৰ ট্ৰাকৰ সৈতে মুখামুখী সংঘৰ্ষ হোৱাৰ ফলত তেওঁৰ পুত্ৰ শ্ৰেয়া চাইগল আৰু পিতৃ, বিখ্যাত হিন্দী সাহিত্যিক গংগা প্ৰসাদ বিমলৰ মৃত্যু হৈছিল। দুৰ্ঘটনাটোত ভানখনৰ ৫২ বছৰীয়া চালকজনো নিহত হৈছিল। তেওঁৰ স্বামী যোগেশ চাইগল আৰু তেওঁলোকৰ জীয়ৰী ঐশ্বৰ্য চাইগল কথমপি ৰক্ষা পৰিছিল। 

প্ৰায় চাৰি বছৰৰ পিছত, উপভোক্তা বিবাদ নিষ্পত্তি ফৰামে ট্ৰেভেল এজেন্সী দুটাক  যোগেশ চাইগলক ক্ষতিপূৰণ পৰিশোধ কৰিবলৈ নিৰ্দেশ দিছে। ট্ৰেভেল এজেন্সী থমাছ কুক আৰু ৰেড এপল ট্ৰেভেলৰ বিৰুদ্ধে গুৰুতৰ  অৱহেলাৰ অভিযোগ উঠিছিল। তেওঁলোকে নিয়োগ কৰা চালকজনৰ অৱহেলাৰ অভিযোগ উঠাৰ লগতে  আৰু ফুৰাবলৈ নি শ্ৰীলংকাত একো সহায় নকৰাৰো অভিযোগ উঠিছিল।  চাইগাল পৰিয়ালে থমাছ কুক আৰু ৰেড এপল ট্ৰেভেলৰ বিৰুদ্ধে তেওঁলোকৰ অৱহেলা আৰু দায়বদ্ধতাৰ   অভাৱৰ অভিযোগলৈ উপভোক্তা  ফ'ৰামৰ কাষ চাপিছিল। 

ফৰামে বিভ্ৰান্তিকৰ বিজ্ঞাপন আদিৰ বাবেও  ট্ৰেভেল এজেন্সী দুটাক জগৰীয়া কৰিছে। চাইগল পৰিয়ালে  ট্ৰেভেল এজেন্সী দুটাৰ পৰা  ৮.৯৯ কোটি টকাৰ ক্ষতি বিচাৰিছিল। চাইগালে ফৰামক  কৈছিল যে তেওঁ   তেওঁৰ পত্নী, শহুৰেক  আৰু পুত্ৰৰ অন্ত্যেষ্টিক্ৰিয়াতো  উপস্থিত থাকিব পৰা নাছিল।কিয়নো দুৰ্ঘটনাত  তেওঁৰো একাধিক হাড় ভঙাৰ ফলত   শ্ৰীলংকাৰ এখন চিকিৎসালয়ত চিকিৎসাধীন হৈ আছিল। তেওঁৰ পত্নী আৰু শহুৰেকৰ বিয়োগে তেওঁৰ শাহুৰ মনত গভীৰ  আঘাত দিছে। চাইগলে লগতে  কৈছিল যে দুৰ্ঘটনাত কিবাকৈ প্ৰাণৰক্ষা পৰা তেওঁৰ কন্যাই  গুৰুতৰ মানসিক আঘাতলৈ  এতিয়াও  যুঁজি আছে। তেওঁ স্বাভাৱিকভাৱে খোজ কাঢ়িব নোৱাৰে আৰু শোৱা তথা কথা কোৱাত  অসুবিধা পায়।  চাইগলৰ মন্তব্য শুনাৰ পিছত উপভোক্তা ফৰামে  ট্ৰেভেল এজেন্সী দুটাক তিনি মাহৰ ভিতৰত  ৫০  লাখ ক্ষতিপূৰণ আদায় দিবলৈ নিৰ্দেশ দিয়ে।