শৰীৰত ভিটামিন-ডিৰ অভাৱে এইসমূহ সংকেত দিবলৈ আৰম্ভ কৰে, জানো আহক

ডিজিটেল ডেস্ক : ভিটামিন-ডি এবিধ অপৰিহাৰ্য পুষ্টিকৰ উপাদান যিয়ে শৰীৰত থকা কেলচিয়াম আৰু ফছফেটৰ পৰিমাণ নিয়ন্ত্ৰণ কৰাত সহায় কৰে। ই হাড়, দাঁত আৰু পেশীৰ স্বাস্থ্য উন্নত কৰাত সহায় কৰে। ইয়াৰ উপৰি শিশুৰ ৰিকেটৰ দৰে হাড়ৰ ৰোগ আৰু যুৱক-যুৱতীৰ অষ্টিঅ’মেলেচিয়া নামৰ অৱস্থাৰ ফলত হোৱা বিষৰ আশংকাও ৰোধ কৰে।

 ভিটামিন-ডিৰ অভাৱ-

শৰীৰত ভিটামিন-ডিৰ অভাৱত হাড়ৰ ঘনত্ব কম হ’ব পাৰে, যাৰ ফলত অষ্টিঅ’পৰ’ছিছ আৰু হাড় ভাঙি যোৱাৰ সম্ভাৱনা বৃদ্ধি পায়। ভিটামিন-ডিৰ অত্যধিক অভাৱত শিশুৰ ৰিকেট হ’ব পাৰে। কেইবাটাও গৱেষণাই ভিটামিন-ডিৰ অভাৱক ডায়েবেটিছ, উচ্চ ৰক্তচাপ, কেন্সাৰ আৰু মাল্টিপল স্ক্লেৰচিছৰ দৰে অটোইম্যুন অৱস্থাকে ধৰি অন্যান্য ৰোগৰ সৈতেও জড়িত কৰিছে।

 ভিটামিন-ডিৰ অভাৱৰ লক্ষণ-

শৰীৰত ভিটামিন-ডিৰ মাত্ৰা সঠিকভাৱে থাকিলে ৰোগ প্ৰতিৰোধ ক্ষমতা বৃদ্ধি কৰে। অৰ্থাৎ ই ফ্লু বা চৰ্দিৰ দৰে সাধাৰণ সংক্ৰমণৰ বিৰুদ্ধে যুঁজ দিয়াত সহায় কৰিব পাৰে। কিন্তু ভিটামিন-ডিৰ অভাৱত সঘনাই আৰু নিয়মিতভাৱে অসুস্থ হৈ পৰিব পাৰে।

 ভিটামিন-ডিৰ অভাৱৰ লক্ষণ-

* ভাগৰ

* টোপনি নহা

* হাড়ৰ বিষ

* হতাশা অনুভৱ কৰা

* চুলি সৰা

* ভোক কমি যোৱা

 ভিটামিন-ডিসমৃদ্ধ খাদ্য-

* তেলীয়া মাছ যেনে-ছালমন, চাৰ্ডিন, হেৰিং আৰু মেকেৰেল

* ৰঙা মাংস

* যকৃৎ

* কণীৰ কুহুম

 ভিটামিন-ডিৰ পৰিপূৰক-

সূৰ্যৰ পোহৰৰ সংস্পৰ্শলৈ অহা বা ভিটামিন-ডিসমৃদ্ধ খাদ্য খোৱাটোৱেই একমাত্ৰ উপায় নহয় যে আপুনি দৈনিক ভিটামিন-ডিৰ প্ৰয়োজনীয়তা পূৰণ কৰিব পাৰে। এনএইচএছৰ মতে যিহেতু মানুহে কেৱল খাদ্যৰ পৰাই পৰ্যাপ্ত পৰিমাণৰ ভিটামিন-ডি লাভ কৰাটো কঠিন, গতিকে সকলোৱে বিশেষকৈ গৰ্ভৱতী আৰু স্তন্যপায়ী মহিলাসকলে শীতকালত ভিটামিন-ডিৰ পৰিপূৰক গ্ৰহণ কৰিব পাৰে। অৱশ্যে ভিটামিন-ডিৰ পৰিপূৰক গ্ৰহণ কৰাৰ আগতে চিকিৎসকৰ পৰামৰ্শ লোৱাটো নিশ্চিতভাৱে প্ৰয়োজন।