ডিজিটেল ডেস্কঃ ভাৰতৰ হৈ টি-২০ ক্ৰিকেটত সৰ্বাধিক উইকেট (৯১)ৰ মালিক তেওঁ। কিন্তু তথাপিও দেশৰ বাবে টি-২০ বিশ্বকাপত সুযোগ পোৱা নাই যুজবেন্দ্ৰ চাহালে। ২০২১ আৰু ২০২২ চনৰ বিশ্বকাপলৈ নিনিয়াৰ বাবে তেওঁক সমালোচনা কৰা হৈছিল। চাহালে নিজেই নাজানে কিয় সুযোগ নাপালে। অৱশ্যে এই লেগ স্পিনাৰে টি-২০ দলত সুযোগ নোপোৱাত অসুবিধা পাইছিল। টয়লেটলৈ গৈ তেওঁ কান্দিছিল।
শেহতীয়াকৈ এটা সাক্ষাৎকাৰত চাহালে নিজৰ কেৰিয়াৰৰ আটাইতকৈ বেয়া সময়ৰ বিষয়ে মুকলিকৈ কয়। তেওঁ কয়- ''২০২১ চনত যেতিয়া মই টি-২০ বিশ্বকাপত সুযোগ নাপালোঁ, তেতিয়া মই আটাইতকৈ বেছি কষ্ট পাইছিলোঁ। মোৰ বৰ বেছি কন্দাৰ অভ্যাস নাই। কিন্তু সেইদিনা মই টয়লেটলৈ গৈ কান্দিলোঁ।’’
কোহলীয়ে চাহালক বৰ ভাল পাইছিল। গতিকে, অধিনায়ক হোৱাৰ পিছতো চাহালে কিয় সুযোগ নাপালে, সেয়া এতিয়াও তেওঁৰ বাবে এক ৰহস্যৰ বিষয়। চাহালে ক'লে, "মই বৰ আচৰিত হৈছিলো। কোহলীৰ নেতৃত্বত ইমানবোৰ মেচ খেলিছো। কিন্তু মোক কোহলীৰ দলত লোৱা নহ’ল। কিন্তু মই কেতিয়াও কাকো সোধা নাছিলো যে মোক কিয় বাহিৰত ৰখা হৈছে।''
উল্লেখ্য যে কোহলীৰ নেতৃত্বত ৰয়েল চেলেঞ্জাৰছ বাংগালুৰুৰ হৈ আই পি এলত আঠ বছৰ খেলিছিল চাহালে। ২০২১ চনৰ আই পি এলৰ পিছত হঠাতে তেওঁক কোহলীৰ ফ্ৰেঞ্চাইজিয়ে বাদ দিয়ে। সেই ঘটনাত চাহাল আহত হৈছিল। আৰ চি বিৰ বিৰুদ্ধে তেওঁৰ অভিযোগ যে এই ফ্ৰেঞ্চাইজিয়ে নিজৰ কথা ৰক্ষা কৰা নাই। ৩২ বছৰীয়া লেগ স্পিনাৰগৰাকীয়ে এতিয়াও নাজানে বেংগালুৰুৱে তেওঁক কিয় ৰখা নাছিল। এতিয়া তেওঁ ৰাজস্থান ৰয়েলছৰ হৈ আই পি এল খেলে। ধাৰাবাহিকভাৱে সফলতা লাভ কৰি আহিছে তেওঁ।
Continue Reading
