দেশত প্রতি আঠ মিনিটত এটিকে শিশু নিখোঁজ, ৯ ডিচেম্বৰৰ ভিতৰত আৱশ্যকীয় কাৰ্যপন্থা ল'বলৈ কেন্দ্রক নির্দেশ উচ্চতম ন্যায়ালয়ৰ

ডিজিটেল ডেস্ক : দেশত শিশু সন্ধানহীন হোৱাৰ ঘটনা বৃদ্ধি পোৱাৰ বিষয়ত উদ্বেগ প্রকাশ কৰে উচ্চতম ন্যায়ালয়ে। দেশত প্রতি ৮ মিনিটত এটিকৈ শিশু নিখোজ হোৱাৰ এখন আইন সম্বন্ধীয় প্রতিবেদনত প্রকাশ হোৱাৰ পাছতেই মঙলবাৰে উচ্চতম ন্যায়ালয়ে উদ্বেগ প্রকাশ কৰি কয় যে এইটো এটা গুৰুতৰ সমস্যাত পৰিণত হৈছে।

উচ্চতম ন্যায়ালয়ৰ ন্যায়াধীশ বি ভি নাগাৰত্ন আৰু আৰ মহাদেৱনৰে গঠিত বিচাৰপীঠখনে কয় যে এই ক্ষেত্রত চৰকাৰে দেশত লোৱা ব্যৱস্থাসমূহ পর্যাপ্ত হোৱা নাই। এই ক্ষেত্ৰত যাৱতীয় আৱশ্যকীয় কার্যপন্থা ল'বলৈ উচ্চতম ন্যায়ালয়ে কেন্দ্রীয় চৰকাৰক আহ্বান জনায়। ন্যায়াধীশ নাগাৰত্নই কয়, 'মই বাতৰিকাকতত পঢ়িছোঁ যে দেশত প্রতি আঠ মিনিটত এটিকে শিশু নিখোঁজ হয়। যদি এইটো সত্য হয়, তেনেহ'লে ই এটা গুৰুতৰ সমস্যা।' শীর্ষতম আদালতে কয় যে শিশুক তুলি লোৱা প্ৰক্ৰিয়াটো অতি কঠোৰ। এটা শিশুক তুলি লোৱাৰ বাবে জনসাধাৰণে অবৈধ উপায়ৰ আশ্রয় ল'ব নালাগে।

এই বিষয়ত হোৱা এটা শুনানিৰ সময়ত দেশৰ অতিৰিক্ত ছলিচিটৰ জেনেৰেল ঐশ্বর্য ভাটিয়ে কেন্দ্ৰীয় চৰকাৰৰ হৈ আদালতক কয় যে শিশু নিখোজ হোৱাৰ গোচৰসমূহ চোৱা-চিতা কৰিবলৈ এজন ন'ডেল অফিচাৰ নিযুক্তিৰ বাবে কেন্দ্ৰীয় চৰকাৰক ছমাহৰ সময় লাগে। শীর্ষতম আদালতে অৱশ্যে ছমাহৰ সময় দিবলৈ অস্বীকাৰ কৰে আৰু ৯ ডিচেম্বৰৰ ভিতৰত এই ক্ষেত্ৰত প্রক্রিয়া সম্পূর্ণ কৰিবলৈ কেন্দ্রীয় চৰকাৰক নির্দেশ দিয়ে।

উৎস: দৈনিক জনমভূমি