ডিজিটেল ডেস্কঃ আজি পঞ্চম দিনৰ খেলখন কেনিংটন অভেলত অষ্ট্ৰেলিয়া আৰু ইংলেণ্ডৰ মাজত অনুষ্ঠিত হ’ব। পঞ্চম দিনা খেলখনত জয়ী হ’বলৈ অষ্ট্ৰেলিয়াই ২৪৯ ৰান সংগ্ৰহ কৰিব লাগিব। অৱশ্যে শেহতীয়াকৈ ইংলেণ্ডৰ বেগী বলাৰ ষ্টুয়াৰ্ট ব্ৰডে ঘোষণা কৰিছিল যে কেনিংটন অ’ভেল টেষ্ট তেওঁৰ অন্তিমখন আন্তঃৰাষ্ট্ৰীয় মেচ হ’ব। অৰ্থাৎ আজি ষ্টুয়াৰ্ট ব্ৰডক ইংলেণ্ডৰ হৈ শেষবাৰৰ বাবে খেলা দেখা যাব।
একে সময়তে ইংলেণ্ডৰ হৈ অন্তিমবাৰৰ বাবে ষ্টুয়াৰ্ট ব্ৰড আৰু জেমছ এণ্ডাৰছনে একেলগে বলিং কৰা দেখা যাব। দুয়োগৰাকী খেলুৱৈয়ে দীৰ্ঘদিন ধৰি দলৰ হৈ একেলগে বলিং কৰি আহিছে। আচলতে ষ্টুয়াৰ্ট ব্ৰড আৰু জেমছ এণ্ডাৰছনে একেলগে ১০৩৭ জন খেলুৱৈক আউট কৰিছে। ষ্টুয়াৰ্ট ব্ৰড আৰু জেমছ এণ্ডাৰছনক ক্ৰিকেট ইতিহাসৰ সফল বলাৰৰ ভিতৰত গণ্য কৰা হয়।
অৱশ্যে ষ্টুয়াৰ্ট ব্ৰডৰ পূৰ্বে জেমছ এণ্ডাৰছনে ক্ৰিকেটত অভিষেক ঘটায়। ২০০৩ চনত জেমছ এণ্ডাৰছনে প্ৰথম টেষ্ট মেচ খেলিছিল। আনহাতে ষ্টুয়াৰ্ট ব্ৰডে ২০০৭ চনত টেষ্টত অভিষেক ঘটায়। এইদৰে জেমছ এণ্ডাৰছনে ষ্টুয়াৰ্ট ব্ৰডৰ প্ৰায় ৪ বছৰ আগতেই খেলিবলৈ আৰম্ভ কৰিছিল। একে সময়তে ২০০৮ চনত ষ্টুয়াৰ্ট ব্ৰড আৰু জেমছ এণ্ডাৰছনে প্ৰথমবাৰৰ বাবে একেলগে খেলিছিল। এইদৰে ষ্টুয়াৰ্ট ব্ৰড আৰু জেমছ এণ্ডাৰছনে প্ৰায় ১৬ বছৰ একেলগে খেলিছিল। লগতে দুয়োজনে নিজৰ নামত বহু ডাঙৰ অভিলেখ গঢ়িলে।
Continue Reading
