ডিজিটেল ডেস্কঃ লোকসভা নিৰ্বাচনত উত্তৰ প্ৰদেশত শেষ হ’ল মায়াৱতীৰ বহুজন সমাজ পাৰ্টিৰ যুগ। উত্থান হৈছে নতুন দলিত নেতা চন্দ্ৰশেখৰ আজাদৰ। যাক তেওঁৰ অনুগামীসকলৰ বাবে ‘ৰাৱণ’ নামেৰে জনা যায়।
মাত্ৰ দুবছৰ পূৰ্বে বিধানসভা নিৰ্বাচনত গোৰখপুৰত মুখ্যমন্ত্ৰী যোগী আদিত্যনাথৰ বিৰুদ্ধে জামিন হেৰুৱা ৰাৱনে এককভাৱে লাখ লাখ ভোটত জয়ী হ’বলৈ গৈ আছে নগিনা লোকসভা সমষ্টিত। দ্বিতীয় আৰু তৃতীয় স্থানত আছে বিজেপি আৰু সমাজবাদী পাৰ্টি।
বিগত দশক ধৰি বিভিন্ন ৰাজ্যৰ দলিত আৰু পিছপৰা লোকৰ অধিকাৰৰ যুঁজত অংশগ্ৰহণ কৰি আহিছে ৰাৱনৰ সামাজিক সংগঠন ভীম আৰ্মীয়ে। উত্তৰ ভাৰতত নাগৰিকত্ব সংশোধনী আইনৰ বিৰুদ্ধে চলি থকা আন্দোলনতো চন্দ্ৰশেখৰে গুৰুত্বপূৰ্ণ ভূমিকা পালন কৰিছিল। শ্বাহীনবাগ ৰেলীত যোগদান কৰি জেললৈ যায়। ২০২০ চনৰ মাৰ্চ মাহত তেওঁ গঠন কৰিছিল ৰাজনৈতিক দল ‘আজাদ সমাজ পাৰ্টী’। বিগত বৰ্ষত উত্তৰ প্ৰদেশৰ বিধানসভা নিৰ্বাচনত গোৰখপুৰ (চহৰ) সমষ্টিত মুখ্যমন্ত্ৰী যোগী আদিত্যনাথৰ বিৰুদ্ধে পৰাস্ত হৈছিল চন্দ্ৰশেখৰ।
উত্তৰ প্ৰদেশৰ ৰাজনীতিত মায়াৱতীৰ কাৰ্য্যকলাপ বিগত কেইবছৰমানৰ পৰা হ্ৰাস পাইছে। জল্পনা-কল্পনা কৰা হৈছিল যে তেওঁ এইবাৰ বিজেপি বিৰোধী মিত্ৰজোঁট ‘ইণ্ডিয়া’ত যোগদান কৰা নাছিল যাতে বিভিন্ন দুৰ্নীতিৰ গোচৰত কেন্দ্ৰীয় সংস্থাৰ লক্ষ্য হৈ নপৰে। ২০১৪ চনৰ লোকসভা নিৰ্বাচনত উত্তৰ প্ৰদেশ পৰাজিত হোৱা বিএছপিয়ে ২০১৯ চনত অখিলেশৰ এছ পিৰ সৈতে মিত্ৰতা কৰি ১০খন আসন লাভ কৰিছিল। এইবাৰ আকৌ মায়াৱতীৰ বেগ খালী হৈ পৰিছে।
Continue Reading
