ডিজিটেল ডেস্কঃ ভাৰতৰ অন্যতম সুমিষ্ট মিঠাই- জেলেপী বা জিলাবি। ভাৰতৰ বিভিন্ন প্ৰান্তত বিভিন্ন প্ৰকাৰৰ জেলেপী উপলব্ধ। কোনো কোনো ঠাইত জেলেপী ঠাণ্ডা ৰাবৰিৰ সৈতে পৰিবেশন কৰা হয়, আন কোনো ঠাইত কেশৰ জেলেপী খাবলৈ মানুহে পছন্দ কৰে। কিন্তু ‘মাউণ্টেন ডিউ জেলেপী’ নামটো কেতিয়াবা শুনিছেনে? আচৰিত যেন লাগিলেও এই সেউজীয়া জেলেপী বাংগালুৰুত যথেষ্ট জনপ্ৰিয়।
এই জেলেপীৰ আচল নাম আৱেৰবেলে জেলেপী । এই জেলেপী বনাবলৈ মাউণ্টেন ডিউ নামৰ কোনো শীতল পানীয় ব্যৱহাৰ কৰা নহয়। উজ্জ্বল সেউজীয়া ৰঙৰ বাবে স্থানীয় লোকে এই জেলেপীক ‘‘মাউণ্টেন ডিউ জেলেপী’ বুলি কয়।
এই জেলেপী বেংগালুৰুবাসীৰ বাবে নতুন নহয়। কিন্তু শেহতীয়াকৈ ফুড ব্লগাৰ অমৰ শিৰোহীয়ে তোলা সেউজীয়া জেলেপীৰ ফটো এতিয়া ছ’চিয়েল মিডিয়াত যথেষ্ট ভাইৰেল হৈছে। এই জেলেপীৰ প্ৰতি সকলোৰে বৰ আগ্ৰহ আছে।
এইবিধ জেলেপি পাচলিৰ পৰা তৈয়াৰ কৰা হয়। এই জেলেপীৰ সেউজীয়া ৰং বীনৰ পৰা আহিছে। তৰকাৰী বনাবলৈ যি বীন ব্যৱহাৰ কৰা হয়, সেইবোৰেই জেলেপী বনাবলৈ ব্যৱহাৰ কৰা হয়।
ফুড ব্লগাৰ অমৰে তেওঁৰ শ্বেয়াৰ কৰা পোষ্টটোত কয় যে এই জিলিপিখন দেশৰ আন প্ৰান্তৰ পৰা কেৱল ৰং নহয়, সোৱাদৰ দিশতো সম্পূৰ্ণ পৃথক।
Continue Reading
