ডিজিটেল ডেস্কঃ উচ্চতম ন্যায়ালয়তো ৰাহুল গান্ধীৰ শাস্তি স্থগিত ৰখাৰ পথত হেঙাৰ হৈ থিয় দিছে মানহানিৰ গোচৰৰ অভিযোগকাৰী বিজেপি বিধায়ক পূৰ্ণেশ মোদীয়ে। বিজেপি বিধায়কগৰাকীয়ে উচ্চতম ন্যায়ালয়ত এক সতৰ্কবাণী আবেদন দাখিল কৰিছে।
আবেদনত বিধায়ক মোদীয়ে কৈছে যে যদি কংগ্ৰেছ নেতাজনে মোদী উপাধি মন্তব্য গোচৰত তেওঁৰ দোষী সাব্যস্তকৰণ স্থগিত ৰাখিবলৈ উচ্চ ন্যায়ালয়ৰ ৰায়ক প্ৰত্যাহ্বান জনাই আবেদন দাখিল কৰে তেন্তে তেওঁকো যাতে শুনানিত উপস্থিত থাকিবলৈ দিয়া হয়। উচ্চতম ন্যায়ালয়ৰ শুনানিৰ সময়ত বিধায়ক পূৰ্ণেশ মোদীয়ে উপস্থিত থাকিব বিচাৰি কৰা আবেদন খনৰ কথা বুধবাৰে পোহৰলৈ আহে। উল্লেখ্য গুজৰাট উচ্চ ন্যায়ালয়ৰ একক ন্যায়াধীশৰ বিচাৰপীঠে ৭ জুলাইত ৰাহুল গান্ধীৰ মানহানিৰ গোচৰত দোষী সাব্যস্তকৰণৰ বিষয়ত স্থগিতাদেশ বিচাৰি কৰা আবেদন খাৰিজ কৰিছিল।
ইপিনে উচ্চতম ন্যায়ালয়ৰ ৱেবছাইট অনুসৰি পূৰ্ণেশ মোদীয়ে তেওঁৰ অধিবক্তা পি এছ সুধীৰৰ জৰিয়তে ৭ জুলাইৰ দিনাই উচ্চতম ন্যায়ালয়ত কেভেট আবেদন খন দাখিল কৰিছিল।
৭ জুলাইত মোদী উপাধি সম্পৰ্কীয় গোচৰত কাৰাদণ্ডৰে দণ্ডিত ৰাহুল গান্ধীয়ে গুজৰাট উচ্চ ন্যায়ালয়ত দুবছৰৰ কাৰাদণ্ডৰ নিৰ্দেশত স্থগিতাদেশ বিচাৰি কৰা আবেদন নাকচ কৰিছিল গুজৰাট উচ্চ ন্যায়ালয়ে । গুজৰাট উচ্চ ন্যায়ালয়ে ৰাহুল গান্ধীৰ বিৰুদ্ধে ১০ টা অতিৰিক্ত অপৰাধমূলক মানহানিৰ গোচৰ থকা বুলি মন্তব্য কৰাৰ লগতে ছুৰাট আদালতৰ ৰায় সঠিক আছিল বুলি কৈছিল। আদালতে কৈছিল যে সত্ৰ আদালতে জাৰি কৰা আদেশটো সঠিক।
আৰু পঢ়ক : ৰাজস্থানত আৰক্ষীৰ চকুত জলকীয়াৰ গুড়ি মাৰি আদালতলৈ নিয়াৰ পথতে বিজেপি নেতা হত্যাকাৰী গেংষ্টাৰক হত্যা!
উল্লেখ্য ৰাহুল গান্ধীয়ে গান্ধীয়ে কেমব্ৰিজত বীৰ ছাভাৰকাৰৰ বিৰুদ্ধে মন্তব্য কৰাৰ পিছত পুনে আদালতত বীৰ ছাভাৰকাৰৰ নাতিয়েকে ৰাহুলৰ বিৰুদ্ধে গোচৰ তৰিছে। ২৩ মাৰ্চত গুজৰাটৰ ছুৰাট দণ্ডাধীশৰ আদালতৰ ন্যায়াধীশ এইচ এইচ বাৰ্মাই ২০১৯ চনৰ লোকসভা নিৰ্বাচনৰ প্ৰচাৰৰ সময়ত কৰ্ণাটকৰ কোলাৰত 'মোদী' উপাধি ব্যৱহাৰ কৰি আপত্তিজনক মন্তব্য কৰাৰ বাবে ৰাহুলক দুবছৰৰ কাৰাদণ্ড বিহিছিল। ২৪ মাৰ্চত লোকসভাৰ অধ্যক্ষ ওম বিৰলাই ভাৰতীয় সংবিধানৰ অনুচ্ছেদ ১০২(১)- আৰু চুৰাট দণ্ডাধীশৰ আদালতৰ ৰায়ৰ ওপৰত ভিত্তি কৰি জনপ্ৰতিনিধিত্ব আইনৰ (১৯৫১) অনুচ্ছেদ ৮(৩)ৰ অধীনত ৰাহুলৰ সংসদৰ সদস্যপদ খাৰিজ কৰিছিল।
Continue Reading
