ডিজিটেল ডেস্ক: গুৱাহাটীৰ বৰাগাঁওস্থিত শ্বহীদ স্মাৰক ক্ষেত্ৰ অহা ১৮ ডিচেম্বৰৰ পৰা ২১ ডিচেম্বৰলৈকে কিছু যাৱতীয় কাম-কাজ কৰাৰ বাবে চাৰি দিন ৰাইজৰ বাবে বন্ধ থাকিব।
এই কথা সদৰী কৰিছে গুৱাহাটী মহানগৰ উন্নয়ন প্ৰাধিকৰণে। কালি প্ৰাধিকৰণৰ জনসম্পৰ্কৰক্ষী বিষয়া সনাতন দাসে শ্বহীদ স্মাৰকক্ষেত্ৰ বন্ধ হৈ থাকিবলগীয়া এই সময়ছোৱাত ৰাইজৰ সহযোগিতা কামনা কৰে।
উল্লেখ্য যে এই স্মাৰক ক্ষেত্ৰ বিশেষ, কিয়নো ৮৬০গৰাকী শ্বহীদৰ স্মৃতিত এই ক্ষেত্ৰ নিৰ্মাণ কৰা হৈছে। অত্যাধুনিক ৰূপে সাজি তোলা এই সৌধটোত আছে ছাউণ্ড এণ্ড লাইটৰ ব্যৱস্থা।
এতিয়াও বহু শ্বহীদৰ ছবি সংগৃহীত হোৱা নাই, তাৰ বাবে সকলো প্ৰতিমূৰ্ত্তি স্থাপন কৰা সম্ভৱ হোৱা নাই।
এই নতুন স্মাৰকক্ষেত্ৰই অসমৰ সু-স্মৃতি সংৰক্ষণ আৰু দেশৰ ত্যাগীসকলক স্মৰণ কৰিবলৈ ভবিষ্যৎ প্রজন্মক উৎসাহিত কৰিব। ঐতিহাসিক অসম আন্দোলনত মাতৃভূমিৰ বাবে প্ৰাণাহুতি দিয়া বীৰ শ্বহীদৰ স্মৃতি যুগমীয়া কৰিবলৈ ৰাজ্য চৰকাৰে এই পদক্ষেপ লয়।
Continue Reading
