২৩ আগষ্টত শনি অমৱস্যা ! এই প্ৰতিকাৰ কৰিলে সকলো সমস্যা হ'ব দূৰ

ডিজিটেল ডেস্ক : সনাতন ধৰ্মত অমৱস্যা তিথিৰ বিশেষ গুৰুত্ব আছে বুলি কোৱা হয়। এই দিনটোত গংগাকে ধৰি অন্যান্য পবিত্ৰ নদীত স্নান কৰি ধ্যান কৰে বহু লোকে। অমাৱস্যা দিনটো পূৰ্বপুৰুষৰ বাবেও উৎসৰ্গা কৰা হয়। এই তাৰিখত পূৰ্বপুৰুষৰ তৰ্পন আৰু পিণ্ডদান কৰিলে পিতৃদোষৰ পৰা মুক্তি পোৱা যায় আৰু পৰিয়ালত সুখ আৰু সমৃদ্ধিৰ সৃষ্টি হয় বুলি বিশ্বাস কৰা হয়। শনিবাৰে যদি অমৱস্যা পৰে তেন্তে তাক শনি অমৱস্যা বোলা হয়।

শনি অমাৱস্যা ২০২৫ কেতিয়া?

ভাদ মাহৰ অমৱস্যা তিথি ২২ আগষ্টৰ পুৱা ১১.৫৫ বজাৰ পৰা ২৩ আগষ্টৰ পুৱা ১১.৩৫ বজালৈ চলি থাকিব। উদয়া তিথিৰ মতে, ২৩ আগষ্ট শনিবাৰে উদযাপন কৰা হ’ব মূল উৎসৱ। শনিবাৰে যেতিয়া অমৱস্যা পৰে তেতিয়া ইয়াক শনি অমৱস্যা বোলা হয়। জ্যোতিষৰ লগতে ধৰ্মীয় দৃষ্টিকোণতো এই দিনটোৰ বিশেষ তাৎপৰ্য আছে। এই দিনটোত শনিৰ লগত জড়িত প্ৰতিকাৰ কৰি শনি দোষ, সড়েসাতী আৰু ধৈৰ্য়াৰ দ্বাৰা সৃষ্টি হোৱা অশুভ প্ৰভাৱৰ পৰা সকাহ পাব পাৰি।

শনি অমৱস্যাৰ দিনা কৰিব লগা প্ৰতিকাৰ

শনি দেৱক তেল আগবঢ়াওকঃ শনি অমাৱস্যাৰ দিনা শনি দেৱক সৰিয়হৰ তেল আগবঢ়াওক। যদি শনি দেৱক মূৰ্তি ৰূপত পূজা কৰা হৈছে, তেন্তে তেওঁৰ ভৰিৰ আঙুলিতহে তেল আগবঢ়াওক আৰু শনি দেৱ যদি শিলৰ ৰূপত বহি আছে তেন্তে সমগ্ৰ শিলটোৰ ওপৰত তেল আগবঢ়াব পাৰি।

আঁহত গছৰ তলত এটা চাকি জ্বলাওকঃ শনি অমৱস্যাৰ দিনা সূৰ্যাস্তৰ পিছত আঁহত গছৰ তলত সৰিয়হ তেলৰ চাকি জ্বলোৱাটো শুভ বুলি গণ্য কৰা হয়। এনে কৰিলে জীৱনত সুখ আৰু ধন-সম্পত্তি আহে বুলি বিশ্বাস কৰা হয়।

দান-বৰঙণি দিয়কঃ এই দিনটোত শনিৰ লগত জড়িত সামগ্ৰী যেনে সৰিয়হৰ তেল, ক’লা তিল, মাটি দালি আৰু লোহাৰ সামগ্ৰী দান কৰিব লাগে। লগতে দুখীয়া মানুহক খুৱাব লাগে আৰু কাপোৰ, জোতা, ছাতি, টকা ইত্যাদি দান কৰাটো শুভ।

হনুমান জীক পূজা কৰকঃ শনিৰ কষ্টৰ পৰা পৰিত্ৰাণ পাবলৈ সৰ্বোত্তম উপায় হ'ল বজৰংগবলীক পূজা কৰা। শনি দেৱে কেতিয়াও হনুমান ভক্তক অশান্তি নিদিয়ে বুলি বিশ্বাস কৰা হয়।