ডিজিটেল ডেস্কঃ বিয়াৰ পিছত অভ্যৰ্থনা অনুষ্ঠানত ব্যস্ত আছে সিদ্ধাৰ্থ মালহোত্ৰা আৰু কিয়াৰা আদৱানী। এনে পৰিস্থিতিতে দম্পতীহালক লৈ স্বঘোষিত চলচ্চিত্ৰ সমালোচক কমল আৰ খান ওৰফে কে আৰ কেয়ে টুইটাৰত এটা বিতৰ্কিত মন্তব্য কৰিছে।
তেওঁ লিখিছে, “প্ৰথমে গৰ্ভৱতী হোৱা আৰু পিছত বিয়া হোৱাটো বলীউডৰ এটা ট্ৰেণ্ডত পৰিণত হৈছে। সূত্ৰ অনুসৰি, বলীউডৰ শেহতীয়া বিবাহখনৰ কাৰণো একেই। বঢ়িয়া!"
উল্লেখযোগ্য যে আলিয়া ভাটে ৰণবীৰ কাপুৰৰ সৈতে বিবাহৰ ডেৰ-দুমাহৰ ভিতৰতে গৰ্ভধাৰণৰ কথা ঘোষণা কৰিছিল। শেহতীয়াকৈ ৰাজস্থানত সিদ্ধাৰ্থ আৰু কিয়াৰাৰ বিবাহ হয়। নেটিজেনৰ মতে কে আৰ কেৰ এই টুইটটোৱে তেওঁলোকক উপহাস কৰিছে।
ইফালে কিয়াৰা আৰু সিদ্ধাৰ্থৰ মুম্বাইত অভ্যৰ্থনাপৰ্ব আৰম্ভ হৈছে। অতিথি হিচাপে আহি আছে বলীউডৰ তাৰকা। বিয়া উপলক্ষে পাপাৰাজ্জীসকলকো মিঠাই বিতৰণ কৰে সিদ্ধাৰ্থ-কিয়াৰাই।
Continue Reading
