ডিজিটেল ডেস্কঃএক শিহৰণকাৰী ঘটনা। কেতিয়াও কোনেও ভাবিব নোৱাৰা ঘটনা এটাই ঘটিছে কোষ্টা ৰিকাত। পিতৃ-মাত-ৰ সন্মুখতে এটা ঘঁৰিয়ালে ৮ বছৰীয়া পুত্ৰ সন্তানক টানি নি গিলি থোৱাৰ ঘটনাই বহুতকে শোকাহত কৰি তুলিছে। মাক দেউতাকৰ সৈতে পৰিয়ালটোৰ চাৰিজন ভাই-ভনীয়ে কোষ্টা ৰিকাৰ লিমন চহৰৰ মতিনা নদীলৈ মাছ ধৰিবলৈ গৈছিল। নৈত মাছ ধৰি থকাৰ সময়তে ৮ বছৰীয়া জুলিঅ'ক আঁঠুৰ ওপৰত কামুৰি ধৰে এটা ঘঁৰিয়ালে।
শিশুটিয়ে ভয়তে আটাহ পাৰি আছিল যদিও মাক-দেউতাকে তেওঁক বচোৱাৰ কোনো সময়েই নাপালে। শিশুটিক মুহূৰ্তৰ ভিতৰতে ঘঁৰিয়ালটোৱে গভীৰ পানীৰ মাজলৈ লৈ যায়।। জুলিঅ'ক আৰু বিচাৰি পোৱা নগ'ল।শিশুটিৰ মাক- দেউতাক আৰু আৰু আন ভাই-ভনীসকলে ঘটনাটো মাথো চাই ৰ’বলৈহে বাধ্য হ’ল।
এই শোকাৱহ ঘটনাটো ঘটিছিল আজিৰে পৰা এমাহ পূৰ্বে, অৰ্থাৎ ৩০ অক্টোৱৰত। দুপৰীয়া ২ বজাত সংঘটিত এই ঘটনাৰ খবৰ বন জুইৰ দৰে বিয়পি পৰাত নৈৰ কাষত বহু লোকে ভিৰ কৰিছিল ।
শিশুটিক টানি নিয়াৰ পিছত ঘঁৰিয়ালটোক পুনৰ দেখা পোৱা যোৱা নাছিল। এমাহৰ পিছত আজি এজন মৎস্য চিকাৰীয়ে এটা ঘঁৰিয়াল হত্যা কৰে।
ঘঁৰিয়ালটোৰ পেটৰ পৰা পেটত মানুহৰ হাড় আৰু চুলিৰ অংশৰ লগতে শিশুটিয়ে পিন্ধা কাপোৰৰ অৱশিষ্ট উদ্ধাৰ হয়। ফলত সকলোৱে নিশ্চিতহৈ পৰে যে টানি নিয়াৰ পিছতে ঘঁৰিয়ালটোৱে ৮ বছৰীয়া জুলিঅ'ক ভক্ষণ কৰিছিল। ঘটনাটোৱে অঞ্চলটোত এক আলোড়নৰ সৃষ্টি কৰাৰ লগতে শোকৰ ছাঁ পেলাইছে।
Continue Reading
