বিশ্ববিদ্যালয় অনুদান আয়োগে শিক্ষাৰ্থীসকলৰ মাজত এক ইতিবাচক মানসিকতা গঢ়ি তুলিবলৈ ধ্যান আৰু মানসিক স্বাস্থ্যৰ ওপৰত এক ঘণ্টাৰ সজাগতা অধিৱেশন আয়োজন কৰিবলৈ আহ্বান জনাইছে। ই শিক্ষানুষ্ঠানসমূহক কাৰ্যসূচীটোৰ বাবে এজন অভিজ্ঞ শিক্ষকক 'ধ্যান দূত' হিচাপে মনোনীত কৰিবলৈ আহ্বান জনাইছে।
প্ৰতিখন বিশ্ববিদ্যালয় আৰু মহাবিদ্যালয়ে ইয়াৰ বাবে tiny.cc/hgd-college পৰ্টেললৈ গৈ আৰু এই কাৰ্যসূচীৰ বাবে কেইজনমান অভিজ্ঞ শিক্ষক/কৰ্মচাৰীক 'ধ্যান দূত' হিচাপে মনোনীত কৰি আবেদন পত্ৰ পূৰণ কৰিব লাগিব।
এই কাৰ্যসূচীৰ পাঠ্যক্ৰম 'আৰ্ট অফ লিভিং'ৰ প্ৰতিষ্ঠাপক ৰবি শংকৰে প্ৰস্তুত কৰিছে। তেওঁৰ ফাউণ্ডেচনৰ প্ৰশিক্ষিত শিক্ষকসকলে আগ্ৰহী প্ৰতিষ্ঠানসমূহত বিনামূলীয়াকৈ কাৰ্যসূচীটো পৰিচালনা কৰিব, ইউজিচিয়ে কয়।
তদুপৰি, ইউজিচিয়ে কয় যে 'আজাদী কে অমৃত মহোৎসৱ' কাৰ্যসূচীৰ অংশ হিচাপে কেন্দ্ৰীয় সংস্কৃতি মন্ত্ৰালয়ে যুটীয়াভাৱে আৰ্ট অৱ লিভিং ফাউণ্ডেচনৰ সহযোগত 'হৰ ঘৰ ধ্যান'ৰ এক অভিযান চলাব। এই অভিযানত সকলো ৰাইজৰ বাবে ধ্যান আৰু মানসিক স্বাস্থ্যৰ ওপৰত এক ঘণ্টাৰ সজাগতা অধিৱেশন আয়োজন কৰা হ'ব।
Continue Reading
