ডিজিটেল ডেস্কঃ হত্যাৰ ভাবুকি দিয়া হৈছে শিৱসেনাৰ উদ্ধৱ থাকৰে শিবিৰৰ সাংসদ সঞ্জয় ৰাউতক। শুকুৰবাৰে নিশা তেওঁ ফোনযোগে এই ভাবুকি লাভ কৰে। তাৰপাছতে এই বিষয়ে আৰক্ষীক অভিযোগ দিছে সাংসদগৰাকীয়ে। ৰাউতে দাবী কৰা মতে, শুকুৰবাৰে নিশা তেওঁৰ মোবাইল ফোনত গেংষ্টাৰ লৰেন্স বিষ্ণয়ৰ নামত এটা মেছেজ আহিছিল।
ইতিমধ্যে আৰক্ষীয়ে এজন সন্দেহযুক্ত লোকক গ্ৰেপ্তাৰ কৰিছে। ৰাউতে কয়, ‘’ফোনত ভাবুকিৰ স’তে মেছেজ আহিছে। মই আৰক্ষীক খবৰ দিছো। কিন্তু এই চৰকাৰে এই বিষয়ত চিন্তিত নহয়। মোক আগতেও ভাবুকি দিয়া হৈছে।’’
ৰাউটে জনাইছে যে বাৰ্তাটোত এইদৰে লিখা আছিল- ''দিল্লীত লগ কৰ। মই তোক এ কে ৪৭ ৰে উৰুৱাই দিম। মুছেৱালাৰ দৰে অৱস্থা কৰিম। ছলমান আৰু তই ফিক্স।‘’
আৰক্ষীয়ে ঘটনাটোৰ তদন্ত কৰি আছে। ইতিমধ্যে আৰক্ষীয়ে এজন সন্দেহযুক্ত লোকক গ্ৰেপ্তাৰ কৰিছে।
অৱশ্যে এই সন্দৰ্ভত তেওঁ বিশেষ চিন্তিত নহয় বুলি কয় ৰাউতে। তেওঁ কয়, “যেতিয়া পূৰ্বে নিৰাপত্তা প্ৰত্যাহাৰ কৰা হৈছিল, তেতিয়াও মই কোনো পত্ৰ লিখা নাছিলো।”
Continue Reading
