ভাৰতৰ শীৰ্ষ ব্যৱসায়ী মুকেশ আম্বানীৰ কনিষ্ঠ পুত্ৰ অনন্ত আম্বানীৰ এংগেজমেণ্টৰ ফটো ছ’চিয়েল মিডিয়াত যথেষ্ট ভাইৰেল হৈ পৰিছে। ৰাধিকা মাৰ্চেণ্টৰ সৈতে বিয়া ঠিক হৈছে অনন্তৰ। ফটোবোৰত স্পষ্টকৈ ধৰিব পৰা গৈছে যে অনন্ত আম্বানীৰ ওজন বহু বৃদ্ধি পাইছে।

Listen to Article

2 min read

80%

ডিজিটেল ডেস্কঃ ভাৰতৰ শীৰ্ষ ব্যৱসায়ী মুকেশ আম্বানীৰ কনিষ্ঠ পুত্ৰ অনন্ত আম্বানীৰ এংগেজমেণ্টৰ ফটো ছ’চিয়েল মিডিয়াত যথেষ্ট ভাইৰেল হৈ পৰিছে। ৰাধিকা মাৰ্চেণ্টৰ সৈতে বিয়া ঠিক হৈছে অনন্তৰ। ফটোবোৰত স্পষ্টকৈ ধৰিব পৰা গৈছে যে অনন্ত আম্বানীৰ ওজন বহু বৃদ্ধি পাইছে। কেইবছৰমান আগতে অনন্ত আম্বানীৰ ওজন বহু পৰিমাণে কমি গৈছিল যদিও এতিয়া তেওঁ পুনৰ পুৰণি অৱস্থালৈ ঘূৰি আহিছে। পূৰ্বৰে পৰা বহু শকত আছিল অনন্ত কিন্তু তেওঁ নিজৰ ওজন হ্ৰাস কৰি ফিট এণ্ড ফাইন হৈ পৰিছিল। এতিয়া পুনৰ তেওঁ আগৰ শকত অৱস্থালৈ ঘূৰি গৈছে।

Inside Anant Ambani and Radhika Merchant's big Indian wedding

কেইবছৰমান আগতে আই পি এল মেচৰ সময়ত অনন্ত আম্বানীয়ে চোফাত বহি লাইভ মেচ চাই থকাৰ সময়ত তেওঁৰ ছবি ছ’চিয়েল মিডিয়াত যথেষ্ট ভাইৰেল হৈ পৰিছিল। তেওঁৰ মেদবহুলতাক লৈ মানুহে বহুত প্ৰশ্ন কৰিছিল আৰু ট্ৰ’লো কৰিছিল। তাৰপাছত প্ৰশিক্ষক বিনোদ চান্নাৰ অধীনত ডায়েট কণ্ট্ৰল আৰু গধুৰ ৱৰ্কআউটৰ জৰিয়তে প্ৰায় ১০৮ কিলোগ্ৰাম ওজন হ্ৰাস কৰে অনন্তই।

Mukesh Ambani's son Anant lost more than 100kg thanks to Bollywood star John Abraham's celebrity trainer Vinod Channa, and a really wild diet – how did he do it? | South China

অনন্তই দৈনিক প্ৰায় ৫ ঘণ্টা ব্যায়াম কৰিছিল, য’ত তেওঁ প্ৰায় ২০ কিলোমিটাৰ খোজ কাঢ়িছিল আৰু যোগাসনো কৰিছিল। অনন্তই আগতে স্বাস্থ্যসন্মত খাদ্যত কম কাৰ্ব, উচ্চ আঁহযুক্ত খাদ্যৰ লগতে সতেজ ফলমূল আৰু শাক-পাচলি খাইছিল। ইয়াৰ বাহিৰেও তেওঁ তেলীয়া আৰু মিঠা বস্তু খোৱাটো বহু পৰিমাণে হ্ৰাস কৰিছিল।

ইয়াৰ পিছত অনন্ত আম্বানীৰ পৰিৱৰ্তন দেখি সকলোৱে আচৰিত হৈ পৰিছিল কাৰণ ইমান ওজন কম কৰাটো সহজ নহয়। নিজৰ কঠোৰ পৰিশ্ৰমেৰে অনন্তই অতি কঠিন যেন লগা কামটো সম্ভৱ কৰি তুলিছিল। সেই সময়ত তেওঁক ট্ৰ’ল কৰাসকলে তেওঁক প্ৰশংসা কৰি ভাগৰি পৰা নাছিল। এজন সুন্দৰ-সুঠাম যুৱকত পৰিণত হৈছিল অনন্ত আম্বানী। কিন্তু ২০২৩ চনত পুনৰ অনন্ত আম্বানী শকত হৈ পৰিল।

বহু গৱেষণাত প্ৰমাণিত হৈছে যে ওজন কমোৱাৰ পিছত ইয়াক বজাই ৰখাটো অতি প্ৰয়োজনীয়, নহ’লে আপুনি পুনৰ পুৰণি আকৃতিলৈ ঘূৰি আহিব। গতিকে ওজন কমি যোৱাৰ পিছত তেলীয়া আৰু মিঠা বস্তু পুনৰ খাব পৰা যাব বুলি নাভাবিব। ইয়াৰ লগতে শাৰীৰিক ক্ৰিয়া-কলাপ কৰি থাকিব লাগিব, নহ’লে সকলো কষ্ট অথলে যাব।

ওজন কমি যোৱাৰ পাছত ক্ষুধাৰ হৰম’ন বৃদ্ধি পায়, আনহাতে পেশী ক্ষয়ৰ বাবে বিপাকীয় ক্ৰিয়া লেহেমীয়া হয়, তাৰ পিছত কম খাদ্য খালেও ওজন বৃদ্ধি হ’ব পাৰে। কিশোৰ বয়সত ডায়েটিং কৰিলেও ভৱিষ্যতে মেদবহুলতাৰ সম্ভাৱনা বৃদ্ধি পায়। সেইবাবেই ওজন কমোৱাৰ পিছতো স্বাস্থ্যসন্মত খাদ্য আৰু জীৱনশৈলী মানি চলিব লাগে আৰু ওজন কমিল বুলি ব্যায়াম কৰা বন্ধ কৰিব নালাগে। জানিব পৰা মতে অনন্ত আম্বানীয়ে সেই ৰুটিন অনুসৰণ নকৰা বাবে তেওঁৰ পুনৰ ওজন বৃদ্ধি পালে।