ডিজিটেল ডেস্কঃ ম’ম’ হয়তো ভাৰতৰ অন্যতম জনপ্ৰিয় ফাষ্টফুড। পদপথৰ বিক্ৰেতাসকলে নিজৰ ষ্টলত গ্ৰাহকক আকৰ্ষণ কৰিবলৈ বিভিন্ন কৌশল ব্যৱহাৰ কৰিলেও শেহতীয়াকৈ এজন ম’ম’ বিক্ৰেতাই তেওঁৰ সাৱলীল ইংৰাজীৰ বাবে সকলোৰি দৃষ্টি আকৰ্ষণ কৰিছে।
ইংৰাজী ভাষাৰ প্ৰাক্তন অধ্যাপক বুলি প্ৰকাশ পোৱা বিক্ৰেতাজনে এটা ভিডিঅ’ত নিজৰ ঘৰতে “স্বাস্থ্যকৰভাৱে প্ৰস্তুত কৰা ম’ম’” ট্ৰাই কৰিবলৈ গ্ৰাহকক আমন্ত্ৰণ জনাইছে।ভিডিঅ’টিত ম’ম’সমূহ বাদামৰ চাটনি আৰু শ্বেজৱান চচৰ সৈতে পৰিবেশন কৰা দেখা গৈছে।
ছয় লাখৰো অধিক লাইক পোৱা এই ভিডিঅ’টোৱে ভাৰতৰ নিয়োগৰ সুযোগ আৰু উদ্যোগীকৰণৰ বিষয়ে নতুনত্বৰ সূচনা কৰিছে।
ভিডিঅ’টোৰ তলত মন্তব্য কৰি এজন ইনষ্টাগ্ৰাম ব্যৱহাৰকাৰীয়ে লিখিছে, “কল্পনা কৰকচোন, এজন ব্যক্তিয়ে অধ্যাপক হিচাপে যোগ্যতা অৰ্জন কৰিবলৈ কিমান বছৰ গৱেষণা আৰু অধ্যয়ন কৰি ইমান খৰচ কৰে আৰু তথাপিও চৰকাৰে চাকৰি আৰু যথেষ্ট ভাল দৰমহা দিবলৈ ব্যৰ্থ হয় আৰু শেষত ৰাজপথত ম’ম’ বিক্ৰী কৰে ৷”
কমেণ্টত দুই এজনে দাবী কৰিছে যে ভিডিঅ’টোত দেখুওৱা ম’ম’ বিক্ৰেতাজনে এসময়ত তেওঁলোকক ইংৰাজী শিকাইছিল। এজন ইনষ্টাগ্ৰাম ইউজাৰে লিখিছে, “তেওঁ মোৰ স্কুলীয়া দিনত মোৰ ইংৰাজী শিক্ষক আছিল”।
Continue Reading
