সমগ্ৰ দেশতে বিয়পিছে কোভিডৰ আতংক , মাস্ক পৰিধান কৰাটো এই ৰাজ্যবোৰত কৰা হ’ল বাধ্যতামূলক

দেওবাৰে স্বাস্থ্য মন্ত্ৰালয়ে প্ৰকাশ কৰা তথ্য যোৱা ২৪  ঘণ্টাত দেশখনত ৫,৩৫৭  গৰাকী লোক  কৰোনা ভাইৰাছৰ দ্বাৰা সংক্ৰমিত হৈছে। যোৱা দুদিনত সংখ্যাটো ৬,০০০ তকৈ অলপ বেছি আছিল। বৰ্তমান সমগ্ৰ দেশতে কোভিড আক্ৰান্ত লোকৰ  মুঠ সংখ্যা হৈছে ৪ কোটি ৪৭ লাখ ৫৬ হাজাৰ ৬১৬ হৈছে। আজি অৱশ্যে দেশৰ দৈনিক ইতিবাচকৰ হাৰ ৩.৩৯  শতাংশলৈ হ্ৰাস পাইছে। সাপ্তাহিক ইতিবাচকৰ  হাৰ ৩.৫৪ শতাংশলৈ বৃদ্ধি পাইছে।দেশত সক্ৰিয় ৰোগীৰ সংখ্যাও প্ৰতিদিনে অলপ অলপকৈ  বাঢ়ি আহিছে। বৰ্তমান  সক্ৰিয় ৰোগীৰ সংখ্যা হৈছে ৩২,৮১৪ গৰাকী। যোৱা ২৪  ঘণ্টাতকোভিড আক্ৰান্ত হৈ মুঠ ১১ জন লোকৰ মৃত্যু হৈছে। ফলস্বৰূপে দেশত কোভিডৰ ফলত হোৱা  মুঠ মৃত্যুৰ সংখ্যা ৫ লাখ ৩০ হাজাৰ ৯৬৫ লৈ বৃদ্ধি হৈছে, কিন্তু ইয়াৰ মাজতে, আৰোগৰ  হাৰে সকাহ দিছে। ৯৮.৭৪ শতাংশ ৰোগীয়ে এতিয়ালৈকে কোভিডৰ পৰা আৰোগ্য লাভ কৰিছে।

যোৱা কেইবছৰমানৰ অভিজ্ঞতাৰ পৰা কেন্দ্ৰীয় আৰু ৰাজ্য চৰকাৰসমূহে নানান পদক্ষেপ গ্ৰহণ কৰি কোভিডৰ অধিক সংক্ৰমণ ৰোধ কৰাৰ চেষ্টা চলাইছে।খৰখেদাকৈ এখন উচ্চ-পৰ্যায়ৰ বৈঠক অনুষ্ঠিত কৰাৰ পিছত, কেন্দ্ৰই পুনৰ সকলোকে মাস্ক পৰিধান কৰাৰ  পৰামৰ্শ দিছে। একেদৰে তিনিখন ৰাজ্যৰ জনবসতিপূৰ্ণ এলেকাত মাস্ক  বাধ্যতামূলক কৰা হৈছে। ইয়াৰ ভিতৰত আছে হাৰিয়ানা, কেৰালা আৰু পুডুচেৰী। হাৰিয়ানা চৰকাৰে কৈছে যে চৰকাৰী কাৰ্যালয়, শ্বপিং মল আৰু ১০০ তকৈ অধিক লোক একত্ৰিত হোৱাৰ সম্ভাৱনা থকা ঠাইত মাস্ক পিন্ধিব লাগিব। কেৰালাত  বৃদ্ধ লোকসকলেও মাস্ক পিন্ধাটো বাধ্যতামূলক কৰা হৈছে। পুডুচেৰীতো প্ৰশাসনে জনবসতিপূৰ্ণ এলেকাত মাস্ক  পিন্ধাৰ নিৰ্দেশ দিছে।