ডিজিটেল ডেস্কঃ এবছৰৰ মাতৃত্বকালীন ছুটী লাভ কৰিব দেশৰ এখন ৰাজ্যৰ চৰকাৰী মহিলা কৰ্মচাৰীসকলে। দেশৰ কেইবাখনো আদালতে কৈছে যে মাতৃত্বকালীন ছুটী মৌলিক অধিকাৰৰ অধীনত পৰে। ইয়াক উপেক্ষা কৰাটো মানৱ অধিকাৰৰ বিৰোধী। এই কথা মনত ৰাখি ছিকিম চৰকাৰে এক ঐতিহাসিক সিদ্ধান্ত গ্ৰহণ কৰিছে।
ছিকিমৰ মুখ্যমন্ত্ৰী প্ৰেম সিং তামাঙে ঘোষণা কৰিছে যে ৰাজ্য চৰকাৰৰ মহিলা কৰ্মচাৰীসকলে এতিয়াৰে পৰা ১২ মাহৰ মাতৃত্বকালীন ছুটী লাভ কৰিব। পুৰুষ কৰ্মচাৰীসকলেও এমাহৰ পিতৃত্বৰ ছুটী পাব।মুখ্যমন্ত্ৰীগৰাকীয়ে ছিকিম ৰাজ্যিক অসামৰিক সেৱা বিষয়া সন্থাৰ এখন বৈঠকত অংশ গ্ৰহণ কৰি এই কথা প্ৰকাশ কৰে। তেওঁ কয় যে কৰ্মচাৰীসকলৰ সুবিধাৰ বাবেই পূৰ্বৰ নিয়মবোৰ সলনি কৰা হৈছে।
নতুন নিয়মৰ ফলত চৰকাৰী কৰ্মচাৰীসকলে তেওঁলোকৰ সন্তান আৰু পৰিয়ালৰ অধিক যত্ন ল'বলৈ সক্ষম হ'ব। ছিকিমৰ পুৰণি আইনে (মাতৃত্বকালীন লাভালাভ আইন, ১৯৬১ ) ২৬ সপ্তাহ বা ছমাহতকৈ অধিক মাতৃত্বকালীন ছুটী প্ৰদান কৰিছিল। সেই নিয়ম ১২ মাহৰ মাতৃত্বকালীন ছুটীলৈ সলনি কৰা হৈছে। ইয়াৰ উপৰি পুৰুষ কৰ্মচাৰীসকলে একে কাৰণতে এমাহৰ ছুটী পাব।
২০১৮ চনত এটা গোচৰত মাদ্ৰাজ উচ্চ ন্যায়ালয়ৰ ন্যায়াধীশ এন কিৰুবাকৰণে লক্ষ্য কৰিছিল যে এটা সন্তানৰ জন্মৰ অৰ্থ হৈছে যে তেওঁৰ মাতৃৰো এক নতুন জীৱন আৰম্ভ হোৱা । তেতিয়া মাককো কেঁচুৱাৰ দৰে যত্ন, মৰম আৰু বিশ্ৰামৰ প্ৰয়োজন।
Continue Reading
