সংঘাতৰ গুজৱৰ মাজতে সুখবৰ! ছোৱেইব-ছানিয়াই আয়োজন কৰিব নতুন এটা টক শ্ব’ৰ

ডিজিটেল ডেস্কঃ ছানিয়া মিৰ্জা আৰু ছোৱেইব মালিকক লৈ বিভিন্ন চৰ্চা চলি থকাৰ মাজতে এটা নতুন পদক্ষেপ হাতত লৈছে তাৰকা দম্পতীহালে। ‘দ্যা মিৰ্জা মালিক শ্ব’ নামেৰে এটা টক শ্ব’ আয়োজন কৰিব দুয়োৱে। শেহতীয়াকৈ ইয়াক ইনষ্টাগ্ৰামযোগে ঘোষণা কৰা হৈছে।

জানিব পৰামতে, পাকিস্তানী চেনেল ‘উৰ্দুফল্লিক্স অফিচিয়েল’ৰ যোগেৰে এই টক শ্ব’টো সম্প্ৰচাৰ কৰা হ’ব। চেনেলটোৱে ইনষ্টাগ্ৰামযোগে এই ঘোষণা কৰিছে।

তাৰপাছতে তাৰকা দুগৰাকীৰ অনুৰাগীসকলৰ মাজত উচ্ছাহৰ সোঁত বৈছে। অনেকে ছোৱেইব-ছানিয়াক শুভেচ্ছা প্ৰদান কৰিছে।

উল্লেখ্য যে ২০১০ চনৰ এপ্ৰিলত ক্ৰীড়া বিশ্বৰ তাৰকা দুগৰাকীৰ মাজত বিবাহ হৈছিল। ২০১৮ চনত তেওঁলোকৰ পুত্ৰ ইজহানৰ জন্ম হয়।

শেহতীয়াকৈ তেওঁলোকৰ দাম্পত্য জীৱনত ঘূণে ধৰিছে বুলিও চৰ্চা চলি আছে। গুজৱ অনুসৰি, ছোৱেইব মালিকে নতুনকৈ এগৰাকী অভিনেত্ৰীৰ প্ৰেমত পৰিছে।

তেনে সময়তে ছোৱেইব-ছানিয়াই টক শ্ব’ৰ আয়োজন কৰাক লৈ অনুৰাগীসকলৰ মাজত আনন্দ বিয়পি পৰিছে।