এটাৰ পাছত আন এটা অভিলেখ! দুখনকৈ টি২০ বিশ্বকাপৰ সৰ্বাধিক ৰাণ সংগ্ৰহেৰে অভিলেখ গঢ়িলে বিৰাট কোহলীয়ে

ডিজিটেল ডেস্কঃ আন এক অভিলেখৰ গৰাকী হ’ল বিৰাট কোহলী। দুখনকৈ টি২০ বিশ্বকাপত সৰ্বোচ্চ ৰাণ সংগ্ৰহেৰে তেওঁ এই অভিলেখ গঢ়িছে।

আজি শেষ হয় টি২০ বিশ্বকাপ। ৯৮.৬৭ এভাৰেজ ৰাণসহ মুঠ ২৯৬ সংগ্ৰহ কৰি প্ৰতিযোগিতাখনৰ শীৰ্ষ ৰাণ সংগ্ৰহকাৰী হিচাপে পৰিগণিত হয় বিৰাট কোহলী। কোহলীয়ে মুঠ ৬ খন মেচত ইমানিখিনি ৰাণ সংগ্ৰহ কৰে।

ইয়াৰ পূৰ্বে ২০১৪ চনৰ টি২০ বিশ্বকাপতো কোহলীয়ে ১০৬.৩৩ এভাৰেজ ৰাণসহ ৬ খন মেচত মুঠ ৩১৯ ৰাণ সংগ্ৰহ কৰি শীৰ্ষ স্থানত আছিল।

এইবাৰৰ বিশ্বকাপত সুন্দৰ ফৰ্মত থকা ভাৰতৰ সূৰ্যকুমাৰ যাদৱে ৬ খন মেচত ২৩৯ ৰাণ কৰি তৃতীয় স্থানত আছে। আনহাতে, বিশ্ববিজয়ী ইংলেণ্ডৰ অধিনায়ক জছ বাটলাৰে ২২৫ ৰাণ কৰি চতুৰ্থ স্থানত আছে।

কেৱল দুখনকৈ টি২০ বিশ্বকাপত সৰ্বোচ্চ ৰাণেই নহয়, বিশ্বকাপৰ ইতিহাসতো সৰ্বাধিক ৰাণ সংগ্ৰকাৰীৰ তালিকাত বিৰাট কোহলী শীৰ্ষত আছে। বৰ্তমানলৈকে কোহলীয়ে টি২০ বিশ্বকাপত ১১৪১ ৰাণ সংগ্ৰহ কৰিছে।