ডিজিটেল ডেস্কঃ সংসদত আক্ৰমণকাৰীক পাছ যোগাৰ কৰি দিয়া বিজেপি সাংসদ প্ৰতাপ সিমহাৰ ভাতৃ বিক্ৰম সিমহাক গ্ৰেপ্তাৰ কৰিলে আৰক্ষী। সাংসদগৰাকীৰ ভাতৃক অবৈধভাৱে গছ-গছনি কটাৰ অভিযোগত গ্ৰেপ্তাৰ কৰা হৈছে বুলি জানিব পৰা গৈছে। কৰ্ণাটকৰ বিজেপি সাংসদ প্ৰতাপ সিমহাই সংসদৰ আক্ৰমণকাৰীসকলক ১৩ ডিচেম্বৰত লোকসভাত প্ৰৱেশ কৰিবলৈ পাছ দিছিল।ফলত বিজেপি সাংসদ প্ৰতাপ সিমহা সমালোচনাৰ সন্মুখীন হৈছিল।
এনে বিতৰ্কৰ মাজতে প্ৰতাপ সিমহাৰ ভায়েক বিক্ৰম সিমহাক কংগ্ৰেছ শাসিত ৰাজ্য কৰ্ণাটকত আৰক্ষীয়ে গ্ৰেপ্তাৰ কৰিছে। তেওঁৰ বিৰুদ্ধে অনুমতি অবিহনে গছ কাটি কাঠৰ চোৰাং ব্যৱসায় কৰাৰ অভিযোগ উত্থাপন হৈছে। বিক্ৰমে কৰ্ণাটকৰ হাছান জিলাত কমেও ১২৬ জোপা ডাঙৰ গছ কাটিছিল বুলি অভিযোগ কৰা হৈছে। গছ কাটিবলৈ তেওঁৰ প্ৰয়োজনীয় অনুমতি নাছিল। তেওঁ সেই গছৰ পৰা পোৱা কাঠ চোৰাংকৈ বিক্ৰী কৰিছিল। গ্ৰেপ্তাৰ হোৱাৰ পিছত বিজেপি সাংসদজনৰ ভায়েকক বন বিভাগক গতাই দিয়া হৈছে । বন বিভাগে তেওঁৰ বিৰুদ্ধে গোচৰ ৰুজু কৰিছিল। তেওঁৰ বিৰুদ্ধে বন সুৰক্ষা আৰু উদ্ভিদ সুৰক্ষা আইন উলংঘা কৰাৰ অভিযোগ উঠিছে।
বিক্ৰমৰ কাকায়েক তথা বিজেপি নেতা প্ৰতাপ সিমহা মাইচুৰুৰ এজন সাংসদ। প্ৰতাপ সিমহাই সংসদ আক্ৰমণৰ ষড়যন্ত্ৰকাৰীসকলক সংসদত প্ৰৱেশ কৰাৰ পাছ জাৰি কৰিছিল। সংসদৰ ওপৰত আক্ৰমণৰ দুসপ্তাহ পাৰ হৈ গ'ল কিন্তু বিজেপিয়ে দলৰ সাংসদজনৰ বিৰুদ্ধে কোনো ব্যৱস্থা গ্ৰহণ কৰা নাই। দিল্লী আৰক্ষীয়ে প্ৰতাপৰ বিৰুদ্ধে এখন এজাহাৰ গ্ৰহণ কৰিছিলযদিও এতিয়ালৈকে কোনো ব্যৱস্থা গ্ৰহণ কৰা নাই।
Continue Reading
