ডিজিটেল ডেস্কঃ বিহাৰত সংঘটিত হৈছে এক ভয়ংকৰ ঘটনা৷সংগীৰ সৈতে সন্তান গৰ্ভধাৰণ কৰিব নোৱাৰা মহিলাক ‘গৰ্ভধাৰণ’ কৰাৰ বাবে ধনৰ প্ৰস্তাৱ দিয়া প্ৰৱঞ্চনামূলক আঁচনিত পুৰুষক প্ৰলোভিত কৰাৰ অভিযোগত বিহাৰৰ নৱাদাত আঠজন লোকক গ্ৰেপ্তাৰ কৰা হয়।
‘অল ইণ্ডিয়া প্ৰেগনেণ্ট জব’ (বেবী বাৰ্থ চাৰ্ভিচ) নামেৰে পৰিচিত এই গোটটোৱে আগতে ছ’চিয়েল মিডিয়া প্লেটফৰ্মৰ জৰিয়তে কাম কৰিছিল আৰু পুৰুষক মহিলাক ‘গৰ্ভধাৰণ’ কৰি ধন উপাৰ্জনৰ সুযোগ দিয়াৰ আশ্বাস দিছিল।
আৰক্ষীৰ মতে, অভিযুক্তই আগ্ৰহ দেখুওৱাসকলৰ পৰা ৭৯৯ টকা পঞ্জীয়ন মাচুল লোৱাৰ পাছত ৫ হাজাৰৰ পৰা ২০ হাজাৰ টকালৈকে চিকিউৰিটি মনী হিচাপে অতিৰিক্ত ধন দাবী কৰিছিল৷এই বিস্তৃত চাইবাৰ অপৰাধৰ নেটৱৰ্কৰ মাষ্টাৰমাইণ্ড বুলি ধাৰণা কৰা মুন্না কুমাৰৰ সৈতে জড়িত চৌহদত বিহাৰ আৰক্ষীৰ বিশেষ তদন্তকাৰী দলে অভিযান চলোৱাৰ পাছতে অভিযুক্তসকলক আটক কৰে।
যদিও আৰক্ষীয়ে ৰেকেটৰ ৮ জন সদস্যক বন্দী কৰাত সফল হয়, তথাপিও অভিযানৰ সময়ত আন কেইবাজনো সদস্য পলায়ন কৰিবলৈ সক্ষম হয়।উপ-আৰক্ষী অধীক্ষক (ডি এছ পি) কল্যাণ আনন্দে এই গ্ৰেপ্তাৰ নিশ্চিত কৰি কয় যে এই লোকসকল দেশজোৰা বৃহত্তৰ চাইবাৰ ছিণ্ডিকেটৰ অংশ।
গ্ৰেপ্তাৰৰ সময়ত কৰ্তৃপক্ষই তেওঁলোকৰ হাতৰ পৰা ৯টা স্মাৰ্টফোন আৰু এটা প্ৰিণ্টাৰ জব্দ কৰে।বিহাৰ আৰক্ষীৰ এগৰাকী জ্যেষ্ঠ বিষয়াই কয় যে এই গোচৰৰ জেৰা অব্যাহত আছে আৰু এই তদন্তত অধিক লোক গ্ৰেপ্তাৰ হোৱাৰ সম্ভাৱনা আছে।
Continue Reading
