ডিজিটেল ডেস্কঃ প্ৰবৰ্তন সঞ্চালকালয়ৰ সঞ্চালক সঞ্জয় কুমাৰ মিশ্ৰৰ কাৰ্যকাল ১৫ অক্টোবৰলৈ বৃদ্ধি কৰিবলৈ কেন্দ্ৰৰ দাবী সন্দৰ্ভত বৃহস্পতিবাৰে (২৭ জুলাই) উচ্চতম ন্যায়ালয়ত শুনানি অনুষ্ঠিত হয়। ইয়াৰ পাছত আদালতে মিশ্ৰৰ কাৰ্যকাল ১৫ ছেপ্টেম্বৰলৈ বৃদ্ধি কৰিবলৈ অনুমতি দিয়ে।
এই আবেদনৰ বিষয়ে ন্যায়াধীশ বি.আৰ. গাভাইয়ে কয় যে “আপুনি এনে এটা ভাবমূর্তি সৃষ্টি কৰা নাইনে যে বাকী সকলো বিষয়া অদক্ষ? মাত্ৰ এজন বিষয়াই কামটো কৰিবলৈ সক্ষম।”
ন্যায়াধীশ গাভাইৰ মন্তব্য সন্দৰ্ভত ছলিচিটৰ জেনেৰেল তুষাৰ মেহতাই কয় যে “সেয়া নেতৃত্বৰ কথা নহয়। এই গোচৰৰ প্ৰস্তুতিৰ লগত এই বিষয়াজন প্ৰায় ৫ বছৰ ধৰি জড়িত হৈ আছে।” এই বিষয়ে ন্যায়াধীশ গাভাইয়ে কয় যে “আমি সময় দিছো যাতে সংস্থাটোত নেতৃত্বৰ পৰিৱৰ্তন হ’ব পাৰে।”
অভিষেক মনু সিংভীয়ে কয় যে এইসকল লোকে এনে এক ভাবমূর্তি সৃষ্টি কৰিছে যেন দেশৰ সমগ্ৰ বোজা মাত্ৰ এজন ব্যক্তি (সঞ্জয় মিশ্ৰ)ৰ কান্ধত। এই ব্যক্তিজনে ২ বছৰ পূৰ্বে পদৰ পৰা পদত্যাগ কৰিবলগীয়া হৈছিল। FATF ৰ পৰ্যালোচনা ১ বছৰৰ বাবে চলিব। এইদৰে তেওঁলোকে ২০২৪ চনলৈকে কাৰ্যকালৰ দাবী উত্থাপন কৰিব লাগিছিল। তেওঁলোকৰ যুক্তি মানি ল’ব পাৰিনে?
সিংভীয়ে কয় যে আচলতে তেওঁও আইনখন বনাইছে। কোনোবা নহয় কোনোবা প্ৰকাৰে তেওঁক পদত ৰাখিবলৈ চেষ্টা কৰা হৈছে।একে সময়তে অধিবক্তা প্ৰশান্ত ভূষণে কয় যে উচ্চতম ন্যায়ালয়ে ১১ জুলাইত নিৰ্দেশ দিছিল। কালিলৈকে কেন্দ্রীয় চৰকাৰে অপেক্ষা কৰি থাকিল৷ যদি সেই ব্যক্তিজন ইমান গুৰুত্বপূৰ্ণ তেন্তে তেওঁক বিশেষ উপদেষ্টা বনাওক। এনে আবেদন আইনী প্ৰক্ৰিয়াৰ অপব্যৱহাৰ।
উল্লেখ্য যে ইডিৰ সঞ্চালক সঞ্জয় কুমাৰ মিশ্ৰৰ কাৰ্যকাল বৃদ্ধি কৰাটো অবৈধ বুলি বাতিল কৰাৰ কিছুদিন পাছতে বুধবাৰে কেন্দ্ৰই আদালতত প্ৰস্তাৱ আগবঢ়ায় যে চলি থকা বিত্তীয় কাৰ্য্য টাস্ক ফ’ৰ্চ (এফএটিএফ)ৰ পৰ্যালোচনাৰ প্ৰতি লক্ষ্য ৰাখি ১৫ অক্টোবৰলৈকে তেওঁক কাৰ্যভাৰ অব্যাহত ৰাখিবলৈ অনুমতি দিয়া হয়।
উচ্চতম ন্যায়ালয়ে ১১ জুলাইত দিয়া নিৰ্দেশত মিশ্ৰৰ বৰ্ধিত কাৰ্যকাল ৩১ জুলাইলৈ হ্ৰাস কৰি তৃতীয়বাৰৰ বাবে কাৰ্যকাল বৃদ্ধি কৰাটো বাতিল কৰে।
Continue Reading
