ডিজিটেল ডেস্কঃ অভিনেত্ৰী য়ামী গৌতম আৰু পৰিচালক আদিত্য দাৰৰ পৰিয়ালত নতুন অতিথি। তাৰকা দম্পতীয়ে জন্ম দিলে এটি পুত্ৰ। ছচিয়েল মিডিয়াত পোষ্ট কৰি এই ভাল খবৰটো ঘোষণা কৰিলে। ইফালে যমী আৰু আদিত্যই শিশুটিৰ নামকৰণ প্ৰক্ৰিয়া সম্পূৰ্ণ কৰিছে।
তাৰকা দম্পতীয়ে সেই ছ’চিয়েল মিডিয়া পোষ্টত নাম ঘোষণা কৰিছিল। পুত্ৰৰ নাম বেদাবিদ। সেই পোষ্টটোত য়ামী আৰু আদিত্যই লিখিছে, “সূৰ্য চিকিৎসালয়ৰ অসাধাৰণ স্বাস্থ্যকৰ্মীসকলক আমি ধন্যবাদ জনাইছো। বিশেষ ধন্যবাদ ড° ভূপেন্দ্ৰ অৱস্থী আৰু ৰঞ্জনা ধনুলৈ। তেওঁলোকৰ বাবেই এই আনন্দৰ মুহূৰ্তটো সম্ভৱ হৈছে।’’
তেওঁলোকে লগতে লিখিছে, ‘অভিভাৱক হিচাপে আমি এটা নতুন যাত্ৰা আৰম্ভ কৰিলোঁ। আমাৰ পুত্ৰৰ উজ্জ্বল ভৱিষ্যত চাবলৈ আমি আগ্ৰহী। আশাকৰোঁ, ভৱিষ্যতে তেওঁ যিমানেই সফল হ’ব সিমানেই আমাৰ সন্তানটো গোটেই পৰিয়ালটোৰ লগতে সমগ্ৰ দেশৰ গৌৰৱ হৈ পৰিব।’’
২০২১ চনত য়ামী গৌতম আৰু আদিত্য ধৰৰ বিবাহ হয়। তেওঁলোকৰ ছবি ‘আৰ্টিকেল ৩৭০’ কিছুদিন পূৰ্বে মুক্তি পাইছিল। সেই ছবিখনৰ ট্ৰেইলাৰ উন্মোচনৰ দিনা তাৰকা দম্পতীয়ে কয় যে তেওঁলোকৰ পৰিয়াললৈ নতুন অতিথি আহিব।
Continue Reading
