ডিজিটেল ডেস্কঃ পুৱা সাৰ পোৱাৰ পাছত অলপ টোপনি অহাটো সাধাৰণ কথা। কিন্তু শোৱাৰ পৰা উঠাৰ পাছত বহুতে গোটেই দিনটো ভাগৰুৱা আৰু অলসতা অনুভৱ কৰে। শোৱাৰ পৰা উঠাৰ পাছত বহু সময়লৈকে ভাগৰুৱা অনুভৱ কৰি থাকিলে সেয়া আওকাণ কৰা উচিত নহয়। কি কি কাৰণত মানুহৰ এনে হয় জানো আহক। অৱস্থাত আমি ইয়াত ক’ম যে ৰাতিপুৱা সাৰ পোৱাৰ পিছতো গোটেই দিনটো শৰীৰ ভাগৰুৱা হৈ থাকে।
১) ভুল সময়ত শোৱাঃ আজিকালি সকলোৰে জীৱনশৈলী বেলেগ বেলেগ, কিছুমান মানুহে সোনকালে শুই ভাল পায় আৰু কিছুমানে গোটেই ৰাতিটো সাৰ পাই থাকি ভাল পায়। ভুল সময়ত শোৱা মানুহৰ গোটেই দিনটো এলাহ ভাৱ থাকে।
২) বহু সময় বিচনাত থকাঃ সাৰ পোৱা পাছত বহু মানুহে বহু দেৰিলৈকে বিচনাত পৰি থাকে। বাৰে বাৰে এলাৰ্ম বন্ধ কৰিলে টোপনিত ব্যাঘাত জন্মে যিয়ে খিংখিঙীয়া আৰু ভাগৰৰ সৃষ্টি কৰে।
৩) শোৱা কোঠাৰ পৰিৱেশঃ কেতিয়াবা বেলেগ বেলেগ কথাই আপোনাৰ শোৱা কোঠাত টোপনিত প্ৰভাৱ পেলাব পাৰে। যিহেতু কোঠাৰ উষ্ণতা আপোনাৰ টোপনিৰ মানদণ্ডৰ বাবে গুৰুত্বপূৰ্ণ। গতিকে আৰামদায়ক টোপনিৰ বাবে এ চি কুলিংটো এডজাষ্ট কৰক আৰু শোৱা কোঠাৰ সুন্দৰ পৰিৱেশ এটা গঢ়ি তোলক। একে সময়তে কোঠাটোত পাতল নীলা ৰঙৰ ডিম লাইট ব্যৱহাৰ কৰিব পাৰে।
৪) খাদ্য আৰু পানীয়ঃ মদ আৰু কেফেইনৰ পৰা আঁতৰত থাকক। ই আপোনাক গভীৰ টোপনিৰ পৰা আঁতৰাই ৰাখে, যাৰ ফলত ৰাতিপুৱা ভাগৰুৱা অনুভৱ হয়। কেফেইনেও একে কাম কৰে। সেয়ে কেফেইন সম্পৰ্কীয় বস্তু বা মদ, চিগাৰেট খোৱাটো শোৱাৰ ৩ ঘন্টা আগতে বন্ধ কৰিব লাগে।
গতিকে এই অভ্যাস ত্যাগ কৰিলে জীৱনত সুফল পোৱাৰ আশা কৰিব পাৰে।
Continue Reading
