ডিজিটেল ডেস্কঃ দেশৰ বিভিন্ন ৰাজ্যত এতিয়া গৰাকী নথকা পথৰ কুুকুৰে সন্ত্ৰাসৰ সৃষ্টি কৰিছে৷ কেৰালাত পথৰ কুকুৰে সন্ত্ৰাসৰ সৃষ্টি কৰাৰ প্ৰতিক্ৰিয়া মাৰ নৌযাওঁতেই দিল্লীতো পথৰ কুকুৰে সন্ত্ৰাসৰ সৃষ্টি কৰিছে৷ দিল্লীত ৰাস্তাৰ কুকুৰে কামোৰাৰ ফলত দুজন ভাতৃৰ শোকাৱহ মৃত্যু ঘটিছে। কুকুৰে কামোৰাৰ ফলত শুক্ৰবাৰে এটি সাত বছৰীয়া লৰা মৃত্যু হয়। দেওবাৰেও তেওঁৰ পাঁচ বছৰীয়া ভায়েকৰ মৃত্যু হয়। দিল্লীৰ এই শোকাৱহ ঘটনাটোৰ বাবে কোন দায়ী তাকে লৈ এতিয়া প্ৰশ্ন উত্থাপন হৈছে৷
ককুৰৰ কামোৰত মৃত্যু ঘটা আনন্দ আৰু আদিত্য দিল্লীৰ সিন্ধি শিবিৰ অঞ্চলৰ এটা বসতিত বাস কৰিছিল। শুক্ৰবাৰে ঘৰৰ পৰা ওলাই অহাৰ পিছতে সাত বছৰীয়া আনন্দ নিৰুদ্দেশ হৈছিল। অনুসন্ধানৰ পিছত তেওঁৰ ক্ষতবিক্ষত মৃতদেহটো পোৱা গৈছিল।
আৰক্ষীয়ে জনোৱা অনুসৰি আনন্দৰ কুকুৰৰ কামোৰত মৃত্যু হৈছিল। ঘটনাটোৰ দুদিন পিছত তেওঁৰ ভাতৃক পথৰ কুকুৰে আক্ৰমণ কৰে৷ আনন্দৰ ভায়েক আদিত্যই দেওবাৰে আবেলি ঘৰৰ পৰা বাহৰলৈ ওলাই গৈছিল। কিছু সময়ৰ পিছত দেখা গৈছিল যে ৫ বছৰীয়া আদিত্যক কেইবাটাও কুকুৰে আগুৰি ধৰিছিল।
কুকুৰৰ আক্ৰমণত তেওঁ গুৰুতৰ ভাৱে আঘাতপ্ৰাপ্ত হৈ মাটিত বাগৰি পৰিছিল। তেওঁক ততাতৈয়াকৈ চিকিৎসালয়লৈ লৈ যোৱা হৈছিল যদিও চিকিৎসকে তেওঁক মৃত বুলি ঘোষণা কৰে। দিল্লী আৰক্ষীয়ে ঘটনাটোৰ তদন্ত আৰম্ভ কৰিছে।
Continue Reading
