ডিজিটেল ডেস্কঃ ৰাজ থাকৰে মাৰাঠী ৰাজনীতিৰ এক পৰিচিত মুখ। ৰাজনীতিৰ উপৰিও তেওঁ চিনেমাৰ প্ৰতিও আগ্ৰহী আছিল। ১৯৯০ চনৰ ১১ ডিচেম্বৰত মাৰাঠী চলচ্চিত্ৰ প্ৰযোজক-পৰিচালক মোহন ৱাগৰ কন্যা শৰ্মিলাৰ সৈতে বিবাহপাশত আবদ্ধ হয় থাকৰে।
কিন্তু বিয়াৰ পিছতে ৰাজে বলিউডৰ এগৰাকী অভিনেত্ৰীক প্ৰেমত পৰিল। নব্বৈৰ দশকত বলীউডৰ নায়িকাসকলৰ মাজত জনপ্ৰিয় হৈ পৰিছিল সোণালী বেন্দ্ৰে। তেওঁৰ অনুৰাগীও আছিল বৃহৎ সংখ্যক।
সোণালীৰ অভিনয় আৰু চেহেৰাত আপ্লুত হৈছিল ৰাজ। নিজে যে বিবাহিত, তাৰ হুঁচ নাছিল ৰাজৰ। যিকোনো প্ৰকাৰে তেওঁ সোণালীক বিয়া কৰাব বিচাৰিছিল।
ৰাজৰ এই আচৰণ দেখি বালাছাহেব থাকৰেই তেওঁৰ লগত কথা পাতিলে। ৰাজ সম্পৰ্কত বালাচাহেবৰ ভতিজা। সৰ্বভাৰতীয় সংবাদ মাধ্যম জনসত্তাৰ এক প্ৰতিবেদনত দাবী কৰা হৈছে যে বালাচাহেবে এই বিষয়ে ৰাজক বুজনি দিছিল। বালাছাহেবে ৰাজক বুজাই দিলে যে বিয়াৰ পাছতো যদি তেওঁ বলীউড অভিনেত্ৰীক বিয়া কৰায় তেন্তে ই থাকৰে পৰিয়ালৰ প্ৰতিচ্ছৱিক কলংকিত কৰিব।
কেৱল সেয়াই নহয়, বালাছাহেবে ৰাজক কয় যে মহাৰাষ্ট্ৰৰ ৰাজনীতিতো ইয়াৰ প্ৰভাৱ পৰিব৷
কিন্তু সোণালীৰ বাবে ৰাজৰ দুৰ্বলতা বিয়পিবলৈ বেছি সময় নালাগিল। বলিউডৰ এটা অংশই দাবী কৰিছিল যে সোণালী আগৰে পৰাই ৰাজৰ লগত চিনাকি আছিল। ৰাজৰ বাবেই সোণালীয়ে অভিনয়ত কেৰিয়াৰ আৰম্ভ কৰিছিল।
কিন্তু বহুতে ভাবে যে সোণালী ৰাজৰ চিনাকি নাছিল। নব্বৈৰ দশকত সোণালীৰ জনপ্ৰিয়তা বৃদ্ধি পোৱাৰ লগে লগে ৰাজে অভিনেত্ৰীগৰাকীৰ ছবি দেখাৰ পিছত প্ৰেমত পৰে।
বালিউডৰ অধিকাংশ লোকৰ মতে ৰাজে সোণালীৰ সৈতে গোপনে আঙঠি বিনিময়ো কৰিছিল। যদিও দুয়োৰে সম্পৰ্ক আছিল, তথাপিও তেওঁলোকে কেতিয়াও ৰাজহুৱা কৰা নাছিল। সৰ্বভাৰতীয় সংবাদ মাধ্যম ভাস্কৰৰ প্ৰতিবেদনত এই কথা দাবী কৰা হৈছে।
কিন্তু সোণালীৰ সৈতে ৰাজৰ সম্পৰ্কৰ গুজৱ আৰম্ভ হয় যেতিয়া হলিউডৰ গায়ক মাইকেল জেকচনে ভাৰত ভ্ৰমণ কৰে। ১৯৯৬ চনত ভাৰত ভ্ৰমণৰ বাবে মাইকেলে মুম্বাই বিমানবন্দৰত অৱতৰণ কৰে। তেওঁক আদৰিবলৈ বিমানবন্দৰত উপস্থিত আছিল ৰাজ। ৰাজৰ কাষত থিয় হৈ থকা দেখা গৈছিল সোণালীকো। ৰাজৰ লগত আছিল বলীউডৰ আন বহু তাৰকাৰে ঘনিষ্ঠতা আছিল। কিয় সোণালীক লগত লৈছিল ৰাজে?
ৰাজে কুৰ্তা-পজামা পিন্ধিছিল। মেচিং নেহৰুৰ জেকেট। গহনাৰ পৰা আৰম্ভ কৰি শাৰীলৈকে সম্পূর্ণৰূপে মাৰাঠী সাজ-পোছাক পৰিধান কৰি আছিল সোণালী। এনে সাজ-পোছাক পৰিহিত অভিনেত্ৰীগৰাকীক দেখি পাপাৰাজী স্তম্ভিত হৈ পৰে। অলপ সময়ৰ ভিতৰতে তেওঁলোকৰ ছবি বিয়পি পৰিল। সোণালীৰ লগত ৰাজৰ সম্পৰ্কৰ চৰ্চা আৰম্ভ হ'ল।
গুজৱ বিয়পিল যে সোণালীয়েও ৰাজক বিয়া কৰাব বিচাৰিছিল। আঙঠিৰ আদান-প্ৰদানৰ পিছত কেতিয়াবা একেলগে থাকিছিল। আনকি, অভিনেত্ৰীগৰাকীয়ে ৰাজৰ দ্বিতীয় পত্নী হিচাপেও থাকিবলৈ সন্মত হয়।
কিন্তু বালাছাহেবৰ নিৰ্দেশ অনুসৰিয়ে ৰাজে সোণালীৰ পৰা দূৰত্ব বজাই ৰাখিবলৈ ধৰিলে। ৰাজনীতি আৰু পাৰিবাৰিক মৰ্যাদা ৰক্ষাৰ বাবেই তেওঁ এই সিদ্ধান্ত লৈছিল।
২০০২ চনত সোণালীয়ে গোল্ডি বেহলৰ সৈতে বিবাহপাশত আবদ্ধ হয়। ১৯৯৪ চনত মুক্তি পোৱা ‘নাৰাজ’ ছবিখনৰ শ্বুটিং ফ্ল’ৰত সোণালীৰ সৈতে গোল্ডীয়ে কথা-বতৰা পাতিছিল।
বালিউডৰ এটা অংশই অনুমান কৰে যে ৰাজৰ সৈতে বিচ্ছেদ হোৱাৰ পিছতে সোণালীৰ গোল্ডিৰ সৈতে সম্পর্ক বাঢ়ি গ’ল৷ ইয়াৰ পিছত অভিনেত্ৰীগৰাকীয়ে বিয়াৰ সিদ্ধান্ত লয়।
২০১৫ চনত সোণালীয়ে ‘দা মডার্ন গুৰুকুল: মাই এক্সপেৰিমেন্ট উইথ পেৰেন্টিং’ নামৰ এখন গ্ৰন্থ লিখিছিল। ২০১৮ চনত অভিনেত্ৰীগৰাকীৰ স্তন কেন্সাৰ ধৰা পৰিছিল। বৰ্তমান তেওঁ কেন্সাৰ ৰোগত আক্ৰান্ত হৈ সুস্থ হৈ উঠিছে।
Continue Reading
