ডিজিটেল ডেস্কঃ সৌৰ জগতৰ আন কোনো গ্ৰহত আছে নে পানী? এইক্ষেত্ৰত বিজ্ঞানীয়ে লাভ কৰিছে কিছু তথ্যইউৰেনাছৰ উপগ্ৰহৰ কেন্দ্ৰ আৰু বৰফৰ ভূত্বকৰ মাজত সাগৰ সদৃশ স্তৰ থাকিব পাৰে বুলি বিজ্ঞানীসকলে ধাৰণা কৰিছে।
ইউৰেনাছৰ পাঁচটা ডাঙৰ উপগ্ৰহ ক্ৰমে এৰিয়েল, উম্ব্ৰিয়েল, টাইটানিয়া, অবেৰন আৰু মিৰাণ্ডাত এনে পানী সংৰক্ষিত হৈ থকাৰ বহু সবল প্ৰমাণ পোৱা গৈছে। উল্লেখ্য ইউৰেনাছৰ কমেও ২৭ টা উপগ্ৰহ আছে, যাৰ ভিতৰত টাইটানিয়া হৈছে আটাইতকৈ ডাঙৰ, যি ১,৫৮০ কিলোমিটাৰ বহল।
নাছাৰ জেট প্ৰপালচন লেবৰেটৰীৰ মুখ্য বিজ্ঞানী জুলি কাষ্টিলো-ৰোগেজে কয় যে ভয়েজাৰ-২ মহাকাশযানৰ তথ্য চালিজাৰি চাই ইউৰেনাছৰ উপগ্ৰহণত পানী থকাৰ কথাটো একপ্ৰকাৰ নিশ্চিত কৰা হৈছে। ভয়েজাৰ-২ মহাকাশযান খনে ১৯৮০ ৰ দশকত ইউৰেনাছৰ চাৰিওফালে উৰিছিল আৰু তাৰ পিছত নাছাৰ গেলিলিঅ, কেচিনি, ডন আৰু নিউ হৰাইজনছেও এই বিষয়ে তথ্য দিয়া বুলি তেওঁ কয়।শেহতীয়াকৈ জ্যোতিৰ্বিজ্ঞানীসকলে জেমছ ৱেব স্পেচ টেলিস্কোপৰ সহায়ত ইউৰেনাছৰ উপগ্ৰহসমূহ পৰ্যবেক্ষণ কৰি আছে।
Continue Reading
