ৰাতিপুৱা স্কুললৈ গৈছিল... কিন্তু ঘূৰি নাহিল বিট্টু ! বিদ্যালয়ৰ অধ্যক্ষৰ বিৰুদ্ধে হত্যাৰ অভিযোগ পিতৃৰ

ডিজিটেল ডেস্কঃ আজি অৰ্থাৎ বৃহস্পতিবাৰে পুৱা ছাহাৰছাৰ স্কুলৰ পৰা উদ্ধাৰ হয় এজন অষ্টম শ্ৰেণীৰ ছাত্ৰৰ মৃতদেহ । বনগাঁও আৰক্ষী থানা এলেকাৰ এই ঘটনা। ছাত্ৰজনৰ নাম বিট্টু কুমাৰ। বিদ্যালয়ৰ অধ্যক্ষৰ বিৰুদ্ধে হত্যাৰ অভিযোগ পিতৃ টুনটুন পণ্ডিতৰ।

উল্লেখ্য যে বিট্টু শশীকলা মধ্য বিদ্যালয় চৈয়নপুৰৰ ছাত্ৰ আছিল। এই বিদ্যালয়ৰ চৌহদৰ পৰা উদ্ধাৰ হৈছে তেওঁৰ মৃতদেহ। ছাত্ৰজনৰ মৃতদেহ সন্ধান পোৱাৰ পিছত সেই অঞ্চলত সংবেদন বিয়পি পৰে। ঘটনাৰ পাছতে পৰিয়ালৰ লোকে বিদ্যালয় চৌহদত উপস্থিত হৈ হুলস্থুলৰ সৃষ্টি কৰে। হত্যাকাৰীক গ্ৰেপ্তাৰ কৰিবলৈ দাবী উত্থাপন কৰে পৰিয়ালৰ লোকে। তথ্য লাভ কৰাৰ পিছতে আৰক্ষী উপস্থিত হয়।

বিট্টুৰ পিতৃ টুনটুন পণ্ডিতে জনোৱা মতে, বুধবাৰে তেওঁৰ পুত্ৰই পুৱা ৯ বজাত স্কুললৈ গৈছিল কিন্তু উভতি নাহিল বিট্টু ঘূৰি নাহিল। সন্ধিয়া ৭ বজাৰ পৰা শিশুটিক বিচাৰিবলৈ আৰম্ভ কৰিলে যদিও ক’তো বিচাৰি নাপালে। বিদ্যালয় কতৃপক্ষই জনোৱা মতে বিট্টু স্কুল শেষ হোৱাৰ পিছত ঘৰলৈ উভতি গৈছিল । চকীদাৰজনক বিদ্যালয়ৰ চাবি বিচৰাত তেওঁ কয় যে কাইলৈহে স্কুল খোলা হ’ব। ইয়াৰ পিছত আজি বিট্টুৰ মৃতদেহ বিদ্যালয় চৌহদত পৰি আছিল। তেওঁ বিদ্যালয়ৰ অধ্যক্ষৰ বিৰুদ্ধে হত্যাৰ অভিযোগ উত্থাপন কৰে।

একে সময়তে সেই স্থানত উপস্থিত হোৱা সদৰৰ এছ ডি পি অ’ আলোক কুমাৰে জনোৱা মতে, আজি পুৱা ৯:২০ বজাত বনগাঁও আৰক্ষী থানাৰ মুৰব্বীগৰাকীয়ে শশীকলা মধ্য বিদ্যালয়ৰ সমীপত এজন ছাত্ৰৰ মৃতদেহ পৰি থকাৰ তথ্য লাভ কৰে। তথ্য পোৱাৰ লগে লগে আৰক্ষীয়ে সেই স্থানত উপস্থিত হয়। লগতে এফ এছ এলৰ দলটোক মাতি অনা হ’ল।

ঘটনাৰ কাৰণ এতিয়াও জানিব পৰা হোৱা নাইঃ এছ ডি পি অ’

আৰক্ষীয়ে সকলো পইণ্টৰ তদন্ত কৰি থকা বুলি জানিবলৈ দিয়ে এছডিপিঅ’ই। ঘটনাৰ কাৰণ জানিব পৰা হোৱা নাই।বৰ্তমান মৃতদেহটো মৰণোত্তৰ পৰীক্ষাৰ বাবে প্ৰেৰণ কৰা হৈছে। ৰিপৰ্ট অহাৰ পিছত ঘটনাৰ প্ৰকৃত কাৰণ জানিব পৰা যাব।