ডিজিটেল ডেস্কঃ শিশুটোৱে পেটত তীব্ৰ বিষ অনুভৱ কৰিছিল৷ সেয়ে শিশুটিক চিকিৎসকৰ ওচৰলৈ লৈ গৈছিল অভিভাৱকে। প্ৰথমতে তেওঁৰ পেটৰ সমস্যা কিহৰ বাবে হৈছে সেয়া চিকিৎসকে নিৰ্ণয় কৰিব পৰা নাছিল। পিছত পেটৰ বিষৰ কাৰণ জানিবলৈ এটা আল্ট্ৰাচোনোগ্ৰাফী কৰাৰ সিদ্ধান্ত লোৱা হয়। চিকিৎসকসকলে আল্ট্ৰাচোনোগ্ৰাফীৰ প্ৰতিবেদন দেখি আচৰিত হৈ পৰে৷
ঘটনাটো 'জাৰ্নেল অফ পেডিয়াট্ৰিক চাৰ্জাৰী কেছ ৰিপ'ৰ্ট' শীৰ্ষক এখন চিকিৎসা আলোচনীত প্ৰকাশ পাইছে৷ চাৰি বছৰীয়া শিশুটোৰ আল্ট্ৰাচোনোগ্ৰাফীয়ে দেখুৱায় যে তেওঁৰ পেটত কেইবাটাও সৰু ঘূৰণীয়া চুম্বক আছে। শিশুটোৱে খেলি থাকোতে সেইবোৰ গিলি পেলাইছিল। ফলত শিশুটিৰ পেটৰ অসহনীয় বিষ আৰম্ভ হয়।প্ৰতিবেদনত উল্লেখ কৰা অনুসৰি শিশুটোৱে দুদিন ধৰি পেটৰ বিষত ভুগি আছিল।
শিশুটিয়ে বাৰে বাৰে বমি কৰিছিল৷চিকিৎসকসকলে প্ৰথমতে ভাবিছিল যে শিশুটো এপেণ্ডিক্সৰ সংক্ৰমণত আক্ৰান্ত হৈছে । সেই অনুসৰি তেওঁলোকৰ চিকিৎসা কৰা হয়। কিন্তু চিকিৎসালয়ৰ পৰা ঘৰলৈ যোৱাৰ পাছতো তেওঁৰ পেটৰ বিষ কমা নাছিল। নিৰন্তৰ বমি হৈ আছিল।ইয়াৰ পিছত আল্ট্ৰাচোনোগ্ৰাফী কৰা হয়। চিকিৎসকে দেখিলে যে শিশুটোৱে গিলি দিয়া সৰু চুম্বকবোৰ, পেটৰ ভিতৰত গোট খাই এডাল ঘূৰণীয়া নেকলেসৰ ৰূপ লৈছে।
চিকিৎসকসকলে অস্ত্ৰোপচাৰৰ কৰি চুম্বকবোৰ উলিয়াই আনিবলৈ সক্ষম হয়। তেওঁলোকে পেটৰ ভিতৰত ১৮ টা চুম্বক বিচাৰি পায়। অস্ত্ৰোপচাৰৰ পিছত শিশুটো আৰোগ্য হৈছে। অৱশ্যে এই ঘটনাৰ কথা উল্লেখ কৰি, চিকিৎসকসকলে অভিভাৱকসকলক সাৱধান হ'বলৈ পৰামৰ্শ দিছে।
Continue Reading
