ডিজিটেল ডেস্কঃ মহাঠগ সুকেশ চন্দ্ৰশেখৰৰ সৈতে জড়িত ২০০ কোটি টকাৰ ধন সৰবৰাহৰ গোচৰৰ সন্দৰ্ভত দিল্লীৰ পাটিয়ালা হাউচ ক’ৰ্টত উপস্থিত হৈছে অভিনেত্ৰী-নৃত্যশিল্পী নোৰা ফাতেহী। সুকেশ চন্দ্ৰশেখৰৰ সৈতে জড়িত ২০০ কোটি টকাৰ ধন সৰবৰাহৰ গোচৰত ইডিয়ে কেইবাবাৰো নোৰা ফাতেহীক সোধা-পোছা কৰিছে, য’ত নোৰাই তেওঁৰ বিবৃতি বি ৰেকৰ্ডিং কৰিছিল।
ইয়াৰ পূৰ্বে বিষয়াসকলে প্ৰকাশ কৰা অনুসৰি সুকেশ চন্দ্ৰশেখৰে তেওঁৰ ভায়েক ববীক প্ৰায় ৬৫ লাখ টকাৰ এখন বিএমডব্লিউ গাড়ী উপহাৰ দিছিল।
অভিনেত্ৰীগৰাকীৰ মতে, চেন্নাইৰ এটা ষ্টুডিঅ’ত সুকেশ চন্দ্ৰশেখৰৰ পত্নীৰ এক অনুষ্ঠানত অতিথি হিচাপে উপস্থিত আছিল। অনুষ্ঠানত অংশগ্ৰহণ কৰা বাবে সুকেশে মাচুলৰ সলনি নোৰাক বিএমডব্লিউৰ দৰে বিলাসী গাড়ী উপহাৰ দিয়ে। অভিনেত্ৰীগৰাকীৰ মতে, সুকেশৰ সৈতে হোৱাটছএপৰ জৰিয়তে কথা পাতিছিল যদিও পিছত সুকেশে নোৰাক বাৰে বাৰে ফোন কৰি হাৰাশাস্তি কৰাত সুকেশৰ সৈতে তেওঁ যোগাযোগ বন্ধ কৰি দিয়ে।
Continue Reading
