ডিজিটেল ডেস্কঃ তেওঁ এতিয়া কেৱল আৰ্জেণ্টিনাবাসীৰেই নয়নৰ মণি হৈ পৰা নাই, তেওঁ এতিয়া সমগ্ৰ বিশ্বৰ ফুটবলপ্ৰেমীৰ বাবে " হিৰো" ৷ হয়, তেওঁ মেছি, লিঅ’নেল মেছি৷ দুৰন্ত্ ক্ৰীড়া প্ৰতিভাৰে বিশ্বকাপত আৰ্জেণ্টিনাক জয়ৰ সোৱাদ দিয়া মেছিক এইবাৰ ব্ৰাজিলেও দেশ খনৰ সৰ্বোচ্চ সন্মানেৰে সন্মানিত কৰিব বিচাৰিছে৷
এই কথাই প্ৰমাণ কৰে যে লিঅ’নেল মেছিয়ে তেওঁৰ প্ৰতিভা আৰু ব্যক্তিত্বেৰে দল আৰু দেশক অতিক্ৰম কৰি সমগ্ৰ বিশ্বৰ হৃদয় জয় কৰিছে। ব্ৰাজিলে এইবাৰ তেওঁৰ সুন্দৰ প্ৰদৰ্শনক বিশেষ সন্মানেৰে স্মৰণীয় কৰি ৰাখিব বিচাৰিছে।
আৰ্জেণ্টিনাত ভৰি দিয়াৰ পিছৰে পৰা আৰ্জেণ্টিনাৰ চুপাৰষ্টাৰ মেছিয়ে কেৱল শুভেচ্ছা, অভ্যৰ্থনা আৰু মৰমেৰে মাজতে উটি-ভাঁহি আছে। এনে মৰমৰ মাজতে তেওঁক এইবাৰ ব্ৰাজিলৰ পৰা নিমন্ত্ৰণ জনোৱা হৈছে। এদিন পেলেকো দেশখনৰ বিখ্যাত মাৰাকানা ষ্টেডিয়ামত হল অফ ফেম গ্ৰহণ কৰিবলৈ আমন্ত্ৰণ জনোৱা হৈছিল৷ এতিয়া সেই একেটা সন্মান গ্ৰহণৰ বাবে মেছিক আমন্ত্ৰণ জনাইছে ব্ৰাজিলে৷ উল্লেখ্য মেছিৰ আৰ্জেণ্টিনাই যোৱা বছৰ এই ঐতিহাসিক ষ্টেডিয়ামখনতে ঘৰুৱা ফেভাৰিট ব্ৰাজিলক পৰাস্ত কৰি কোপা এমেৰিকা কাপ জিকিছিল। সেই খন ষ্টেডিয়ামলৈয়েই মেছিক 'হল অফ ফেম' সন্মান গ্ৰহণৰ বাবে অনুৰোধ জনোৱা হৈছে৷
যদি মেছিয়ে ব্ৰাজিলৰ আমন্ত্ৰণ গ্ৰহণ কৰে তেন্তে এক নতুন ইতিহাস সৃষ্টি হ'ব। ষ্টেডিয়ামখনত কিংবদন্তী পেলে, গাৰিঞ্চা, ৰোনাল্ডো, চিলিৰ ইলিয়াছ ফিগুৰোৱা, ছাৰ্বিয়াৰ ডি পেটকোভিচ, পৰ্তুগালৰ ইউচেবিঅ, উৰুগুৱেৰ চেবাষ্টিয়ান আব্ৰেউ, ফ্ৰান্সৰ বেকেনবাউয়াৰকো একে সন্মানেৰেই সন্মানিত কৰা হৈছিল৷ উল্লেখ্য ৩৬ বছৰীয়া অপেক্ষাৰ পিছত এইবাৰ বিশ্বকাপ আৰ্জেণ্টিনাৰ হাতলৈ আহিছে।
Continue Reading
