সুন্দৰী যুৱতীৰ নগ্ন ছবি-ভিডিঅ', আৱেগিক প্ৰেমালাপ, চলনাময়ী প্ৰেম - ভাৰতীয় সেনাৰ বিৰুদ্ধে পাকিস্তানৰ 'নতুন অস্ত্ৰ'

পাকিস্তানৰ সেনাই এতিয়া সুন্দৰী যুৱতী ব্যৱহাৰ কৰি ভাৰতীয় সেনাৰ জোৱানক কাবু কৰাৰ প্ৰচেষ্টা অব্যাহত ৰাখিছে।দিল্লীৰ সেনা ভৱনৰ ৪ৰ্থ শ্ৰেণীৰ কৰ্মচাৰী কাৰাগাৰত বন্দী ৰবি প্ৰকাশ মীনাই বিশ্বাস কৰিব পৰা নাই যে তেওঁ ভালপোৱা মহিলাগৰাকী এগৰাকী পাকিস্তানী এজেণ্ট । হানিট্ৰেপৰ চিকাৰ হোৱা   ৩১ বছৰীয়া যুৱকজনৰ বিৰুদ্ধে সেনাৰ বিষয়ে সংবেদনশীল আৰু কৌশলগত তথ্য সৰবৰাহ কৰাৰ  কৰাৰ অভিযোগ উঠিছে। ফেচবুকত তেওঁৰ সৈতে বন্ধুত্ব কৰা এগৰাকী যুৱতীৰ তেওঁ প্ৰেমত পৰিছিল।কিন্তু যুৱতীগৰাকী আন কোনো নাছিল. তেওঁ আছিল পাকিস্তানৰ এজেণ্ট। ৰাজস্থানৰ কাৰাউলি জিলাৰ চাপোটাৰাৰ পৰা মীনাক  গ্ৰেপ্তাৰ কৰা হৈছে। উল্লেখ্য  ২০১৭ চনৰ পৰা  আন্তঃ-সেৱা চোৰাংচোৱা (আইএছআই)ৰ লোকসহ পাকিস্তানী এজেণ্টৰ চক্ৰান্তৰ বলি হোৱা ৩৫ জন লোকক গ্ৰেপ্তাৰ কৰা হৈছে।

 এগৰাকী বিষয়াই কয় কয়, "অঞ্জলি তিৱাৰী নামৰ পাকিস্তানী এজেণ্টজনে পশ্চিমবংগত নিযুক্ত ভাৰতীয় সেনা বিষয়া হিচাপে নিজকে চিনাকী  দিছিল। আনকি গ্ৰেপ্তাৰ হোৱাৰ পাছতো মহিলাগৰাকী এগৰাকী পাকিস্তানী এজেণ্ট আছিল বুলি কোনেও বিশ্বাসেই কৰিব পৰা নাছিল।" গ্ৰেপ্তাৰ হোৱাৰ পিছত ৮ অক্টোবৰত ৰাজস্থানৰ আৰক্ষী সঞ্চালক প্ৰধান (চোৰাংচোৱা) উমেশ মিশ্ৰাই কৈছিল যে মীনাই যুৱতীগৰাকীক সেনাৰ বিষয়ে গোপনীয় আৰু কৌশলগত তথ্য সৰবৰাহ কৰিছিল। তেওঁ তেওঁৰ বেংক একাউণ্টত জমা কৰা ধনৰ বিনিময়ত ছ'চিয়েল মিডিয়াৰ জৰিয়তে এজেণ্টজনক তথ্য প্ৰদান কৰি আছিল। ভাৰতীয় বিষয়াসকলে প্ৰকাশ কৰা মতে  ভিডিঅ' আৰু ভইচ চেটৰ জৰিয়তে পাকিস্তানৰক এজেণ্ট যুৱতীসকলে ভাৰতীয় সেনাৰ কাষ চাপি যায়। ভুক্তভোগীসকলক  আনকি প্ৰলোভিত কৰি নগ্ন ক্লিপ আৰু ছবিৰ আদান-প্ৰদান কৰা হয়।আৰু তাৰ পিছত তেওঁলোকক সামাজিক মাধ্যমৰ জৰিয়তে গোপনীয় তথ্য আৰু নথিপত্ৰ সৰবৰাহ কৰিবলৈ  আৰম্ভ কৰে। সকলো পোৱাৰ পিছতে পাক এজেণ্টে সেনাৰ জোৱানক প্ৰৱঞ্চনা বা ব্লেকমেইল কৰিবলৈ ধৰে।

জুলাই মাহত একে অভিযোগতে ৰাজস্থানৰ বাসিন্দা - ভিলৱাৰাৰ ২৭ বছৰীয়া নাৰায়ণ লাল গাদ্ৰী আৰু জয়পুৰৰ ২৪ বছৰীয়া কুলদীপ সিং শ্বেখাৱতক গ্ৰেপ্তাৰ কৰা হৈছিল। নাৰায়ণক চিম কাৰ্ড প্ৰদান কৰাৰ অভিযোগত গ্ৰেপ্তাৰ কৰা হৈছিল।  ভাৰতীয় টেলিকম কোম্পানীবোৰ পাকিস্তানী হেণ্ডলাৰসকলে ছ'চিয়েল মিডিয়া একাউণ্ট চলাবলৈ  ভাৰতীয় একাউণ্ট ব্যৱহাৰ কৰে। লোকজনে  চিমবোৰ মাউণ্ট আবুলৈ পঠিয়াইছিল, য'ৰ পৰা সেইবোৰ দিল্লী, মুম্বাই আৰু ডুবাইলৈ প্ৰেৰণ কৰা হৈছিল। 

প্ৰতিটো চিমৰ বাবে, তেওঁক ৩-৫ হাজাৰকৈ  টকা দিয়া হৈছিল বুলি এজন বিষয়াই কয়। ৰাজস্থান আৰক্ষীৰ তথ্য অনুসৰি, অসামৰিক লোক আৰু নিৰাপত্তাকৰ্মীসহ ৩৫ জন লোকৰ ভিতৰত ৬ জনক ২০১৭ চনত গ্ৰেপ্তাৰ কৰা হৈছিল,  ২০২০ চনত পাঁচজন, ২০২১ চনত আঠজন আৰু এই বছৰৰ এতিয়ালৈকে ১০ জনক গ্ৰেপ্তাৰ কৰা হৈছে।"  আৰক্ষীৰ তথ্য অনুসৰি, গ্ৰেপ্তাৰ কৰা ৩৫ জন লোকৰ বিৰুদ্ধে ২০১৭ চনৰ পৰা মুঠ ২৬ টা গোচৰ ৰুজু কৰা হৈছে, যাৰ ভিতৰত আছে ১০ জন সুৰক্ষা কৰ্মী আৰু ২৫ জন সাধাৰণ লোক। জানিব পৰা মতে পাকিস্তানৰ হায়দৰাবাদত বহু যুৱতীক হানি ট্ৰেপিঙৰ প্ৰশিক্ষণ দিছে পাক সেনাই।