ডিজিটেল ডেস্কঃ বিশ্বব্ৰহ্মাণ্ডৰ জন্মৰ পিছত গঠিত প্ৰথম তৰাসমূহৰ ‘অৱশিষ্ট’ পোৱা গৈছে। এই প্ৰথম তৰাসমূহৰ মৃত্যুৰ পিছতে ব্ৰহ্মাণ্ডত হাইড্ৰজেন, হিলিয়াম, লিথিয়াম গেছৰ ঘন ডাৱৰ ছিটিকি পৰিছিল। এইবাৰ বিজ্ঞানীসকলে তাৰ সন্ধান লাভ কৰিছে।
বিগ বেঙৰ পিছত বা বিশ্বব্ৰহ্মাণ্ড সৃষ্টিৰ কিছু মুহূৰ্তৰ আগৰ এই বিশ্বব্ৰহ্মাণ্ডখনৰ উপাদান আছিল হাইড্ৰজেন, হিলিয়াম আৰু সামান্য পৰিমাণৰ লিথিয়াম। বিগ বেঙৰ পিছত জন্ম হোৱা প্ৰথম তৰাটো সূৰ্য্যতকৈ কমেও দহৰ পৰা এশগুণ বেছি আছিল। যিটো সেই সাধাৰণ উপাদানবোৰৰ পৰাই গঠিত হৈছিল। যাৰ কেন্দ্ৰত তুলনামূলকভাৱে গধুৰ মৌল এটা আছিল।
কিন্তু পিছলৈ সেই তৰাবোৰ ‘ছুপাৰন’ভা’ বিস্ফোৰণত ধ্বংস হৈছিল। যাৰ পৰা গেছ আৰু ধূলিৰ ঘন ডাৱৰৰ জন্ম হৈছিল। লগতে ধ্বংস হোৱা তৰাটোৰ গধুৰ অংশবোৰো ডাৱৰৰ মাজত আবদ্ধ হৈ আছিল। ইয়াৰ এটা মৌল আছিল লোহা। পিছলৈ তাৰ পৰাই পৰৱৰ্তী নক্ষত্ৰমণ্ডলৰ জন্ম হয়।
কিন্তু ডাৱৰৰ কিছুমান অংশত কেতিয়াও নতুন তৰা উৎপন্ন হোৱা নাছিল। গেছ আৰু ধূলিৰ সেই ডাৱৰবোৰে শক্তি হেৰুৱাই মহাকাশলৈ বিয়পি পৰিছিল। এইবাৰ বিজ্ঞানীসকলে বিশ্বব্ৰহ্মাণ্ডৰ প্ৰথম তৰাটোৰ সেই অৱশিষ্ট ডাৱৰ বিচাৰি পালে।
বিজ্ঞানীসকলৰ মতে শেহতীয়াকৈ প্ৰথম তৰাৰ মৃত্যুৰ ফলত গঠিত তিনিটা আদিম ডাৱৰ পোৱা গৈছে। যাৰ বয়স সূৰ্য্যৰ বয়সতকৈ কোটি কোটি বছৰ বেছি।
এই প্ৰসংগত গৱেষক ষ্টেফানিয়া ছালভাড’ৰীয়ে কয় যে, “প্ৰথম তৰাসমূহৰ মৃত্যুৰ ফলত সৃষ্টি হোৱা গেছৰ ডাৱৰ আৱিষ্কাৰ কৰা হৈছে। ইয়াৰ ৰাসায়নিক উপাদানসমূহ চিনাক্ত কৰি অধ্যয়ন কৰিব পৰা যাব। ফলত বিশ্বব্ৰহ্মাণ্ডৰ এক অজ্ঞাত ৰহস্যও প্ৰকাশ পাব পাৰে।’’
Continue Reading
