ডিজিটেল ডেস্কঃ আমেৰিকাৰ নিউয়ৰ্ক চহৰৰ মেট্ৰ’ ৰেলৰ এটা ভাইৰেল ভিডিঅ’ই সংবাদ শিৰোনাম দখল কৰিছে৷ সামাজিক মাধ্যমত ভাইৰেল হৈ পৰিছে এই ভিডিঅ’, য’ত নিউয়ৰ্ক চহৰৰ ৰে’লৰ এটা ডবা এটাৰ ভিতৰত এজন লোকে গা ধুই থকা দেখা গৈছে। ক্লিপটোত দেখা গৈছে যে এজন লোকে ট্ৰলী বেগৰ ভিতৰত সোমাই গা ধোৱাৰ আগতে চেণ্ডেল, পেণ্ট আৰু চাৰ্ট খুলি লৈছে।
শেহতীয়াকৈ দিল্লী মেট্ৰ’ গাৰ্ল নামৰ এগৰাকী ছোৱালীৰ ক্লিপটোও অতি ভাইৰেল হৈ পৰিছিল, যিটোৱে ভাৰতত বহু শিৰোনাম দখল কৰিছে। বাৰু, এতিয়া যেন অদ্ভুত খবৰৰ কেন্দ্ৰবিন্দু হৈ পৰা মেট্ৰ’ৰ এই অদ্ভুত ঘটনাটো কেৱল দিল্লীতে সীমাবদ্ধ নহয়। প্ৰায় একেধৰণৰ এক আচৰিত পৰিৱেশ দেখিবলৈ পোৱা গ’ল নিউয়ৰ্ক চহৰৰ ছাবমেট্ৰ’ ৰে’লৰ ভিডিঅ’টোত৷
আমেৰিকাৰ নিউয়ৰ্ক চহৰত এখন ছাবমেট্ৰ’ ৰে’লৰ ভিতৰত এজন লোকে হালধীয়া ৰঙৰ ডাঙৰ স্পঞ্জেৰে নিজৰ শৰীৰ ঘঁহি আন যাত্ৰীৰ মাজত গা ধুই আছে। এই ব্যক্তিজনৰ এই কাৰ্য্যত একাংশ যাত্ৰীক হাঁহি থকা দেখা যায়। একে সময়তে এই ব্যক্তিজনক লৈ একাংশ লোকক আচৰিত হোৱা পৰিলক্ষিত হৈছে। তাৰ পিছত মানুহজনে অদ্ভুত ধৰণে গা ধুই পুনৰ কাপোৰ পিন্ধে।
ইয়াৰ সৈতে জড়িত ভিডিঅ’টো ছ’চিয়েল মিডিয়া প্লেটফৰ্ম ফেচবুকত ভাইৰেল হৈ আছে। এই ভিডিঅ'টো ১৪ লাখতকৈয়ো অধিক লোকে উপভোগ কৰিছে । এই ভিডিঅ’টোৰ কমেণ্ট ছেকচনতো বহুতে মন্তব্য কৰিছে, আনহাতে একাংশই মানুহজনৰ এই কাৰ্যক সাহসী বুলি অভিহিত কৰিছে আৰু বহুতে ইয়াক মূৰ্খামি বুলি উল্লেখ কৰিছে।
বহুতে মন্তব্য কৰি লিখিছে যে আজিকালি প্ৰজন্মই দৃষ্টি আকৰ্ষণ কৰিবলৈ অদ্ভুত কাম কৰে। আন এজন ব্যৱহাৰকাৰীয়ে কয় যে তেওঁ অতি সাৱধানে কাম কৰি আছে। গা ধোৱাৰ সময়ত কোনোৱে যাতে তিতি নাযায় তাৰ প্ৰতি লক্ষ্য ৰাখি আছিল। অসভ্য হ’লে তেওঁ পানী ঢালি গা ধুলেহেঁতেন, কিন্তু তেনে নকৰিলে।
