ডিজিটেল ডেস্কঃ স্বৰা ভাস্কৰৰ বিয়াকলৈ বিগত কিছুদিন ধৰি তুমুল বিতৰ্ক চলি আহিছে৷ ইয়াৰ মাজতে অনুষ্ঠিত হৈছে বিবাহৰ অভ্যৰ্থনা অনুষ্ঠান৷ স্বৰা ভাস্কৰৰ বিয়া খনকলৈ যিমানেই বিতৰ্ক নহওঁক কিয়, স্বৰা-ফাহাদৰ অভ্যৰ্থনা পাৰ্টিত অৱশ্যে উপস্থিত থাকিল বহু ৰাজনীতিক৷ বিবাহৰ অভ্যৰ্থনা অনুষ্ঠানত মনোৰঞ্জন জগতৰ তাৰকাৰ পৰা আৰম্ভ কৰি ৰাজনৈতিক ব্যক্তিত্বলৈ সকলো উপস্থিত থকা দেখা গ’ল।
অভ্যৰ্থনা অনুষ্ঠানত দিল্লীৰ মুখ্যমন্ত্ৰী অৰবিন্দ কেজৰিৱাল, ৰাহুল গান্ধী, অখিলেশ যাদৱ আৰু জয়া বচ্চনক উপস্থিত থকা দেখা গ’ল৷ অভ্যৰ্থনা অনুষ্ঠানত স্বৰাই এটা উজ্জ্বল গুলপীয়া লেহেঙ্গা পিন্ধে ৷ লগতে গহনা আৰু কপালত মংগলটিকাও পিন্ধা দেখা যায়৷ আনহাতে ফাহাদক ক্ৰীম ৰঙৰ শ্বেৰৱানীত দেখা যায়৷ স্বৰা ভাস্কৰে ১৬ ফেব্ৰুৱাৰীত ফাহাদ আহমেদৰ সৈতে বিবাহপাশত আৱদ্ধ হৈছিল। স্বৰাই বিবাহ অনুষ্ঠানৰ ফটো ছচিয়েল মিডিয়াত শ্বেয়াৰ কৰিছিল।ছবিত স্বৰা ভাস্কৰক মেহেন্দি অনুষ্ঠানত গেৰুৱা অনাৰকলি পিন্ধা দেখা গৈছিল।
অভিনেত্ৰী স্বৰা ভাস্কৰৰ বিবাহকলৈ অল ইণ্ডিয়া মুছলিম জামাতৰ মুৰব্বী মৌলানা শ্বাহবুদ্দিন ৰিজবীয়ে কৈছিল যে স্বৰা-ফাহাদৰ বিবাহ অবৈধ। স্বৰাই বিবাহ বৈধ কৰিবলৈ কেতবোৰ চৰ্তবোৰ মানিব লাগিব।
মুছলিম জামাতৰ মুৰব্বীগৰাকীয়ে স্বৰাৰ বিবাহৰ বৈধতা সম্পৰ্কে প্ৰশ্ন উত্থাপন কৰি এনেদৰে মন্তব্য কৰিছিল৷ সমাজবাদী পাৰ্টিৰ এজন যুৱ নেতা ফাহাদ আহমেদৰ সৈতে স্বাৰাৰ বিয়া হৈছিল। তেওঁলোকে ১৬ ফেব্ৰুৱাৰীত বিবাহ পাশত আৱদ্ধ হৈছিল।
সৰ্বভাৰতীয় মুছলিম জামাতৰ মুৰব্বী মৌলানা শ্বাহবুদ্দিন ৰিজৱীয়ে কৈছে যে নিয়ম অনুসৰি স্বৰাই ইছলাম গ্ৰহণ কৰিব লাগে।তেওঁৰ মতে যদি স্বাৰাই ইছলাম ধৰ্ম গ্ৰহণ নকৰে তেন্তে বিবাহ অবৈধ হ’ব। অল ইণ্ডিয়া মুছলিম জামাতৰ মুৰব্বী মৌলানা শ্বাহবুদ্দিন ৰিজৱীয়ে কয়, "স্বৰাই ইছলাম ধৰ্ম গ্ৰহণ কৰিব লাগিব, তেতিয়াহে এই বিবাহ বৈধ হ'ব।" যদি এগৰাকী মহিলাই মূৰ্তিৰ উপাসনা কৰে, তেন্তে কোনো মুছলমান পুৰুষে তেওঁক বিয়া কৰাব নোৱাৰে। ইছলামত এনে বিবাহৰ কোনো স্থান নাই। ''
স্বৰা-ফাহাদে ৬ জানুৱাৰীত বিবাহৰ আবেদনৰ নথিপত্ৰ পঞ্জীয়ন কাৰ্যালয়ত দাখিল কৰিছিল। তেওঁ অৱশেষত বৃহস্পতিবাৰে বিয়াখনৰ কথা প্ৰকাশ কৰিছিল। অনুৰাগীসকল নায়িকাৰ বিবাহৰ খবৰক লৈ উৎসাহিত হৈ পৰিছে। আন কিছুমানে আকৌ এই বিবাহকলৈ অসন্তুষ্টি প্ৰকাশ কৰি আহিছে।
Continue Reading
