ডিজিটেল ডেস্কঃ এইবাৰৰ আইপিলত জিলিকি উঠিছে অৰ্শদীপ সিঙ। কলকাতা নাইট ৰাইডাৰ্ছৰ বিৰুদ্ধে পঞ্জাৱ কিংছ ইলেভেনৰ হৈ শনিবাৰে তেওঁ ৩টা উইকেট দখল কৰে। কিন্তু উইকেট লোৱাৰ পাছত চৰ্চা আৰম্ভ হৈছে তেওঁৰ চেলিব্ৰেচনৰ ভংগীমাটো। অভিযোগ উত্থাপন হৈছে যে অৰ্শদীপে পাকিস্তানৰ পেচাৰ শ্বাহীন শ্বাহ আফ্ৰিদিক নকল কৰিছে।
পাকিস্তানৰ বাওঁহাতৰ পেচাৰ আফ্ৰিদীয়ে উইকেট লোৱাৰ পিছত সাধাৰণতে দুয়োহাতেৰে ওঁঠ চুই হাত দুখন ওপৰলৈ তুলি নিয়ে। চৰাইৰ দৰে দুয়োখন হাত মেলি দিলে। শনিবাৰেও একেধৰণে উদযাপন কৰা দেখা গ’ল অৰ্শদ্বীপক। লগতে দুহাতেৰে ওঁঠ দুটা চুই হাত দুখন দুয়োফালে মেলি দিলে।
শ্বাহীনৰ সমৰ্থকসকলে অনুভৱ কৰিছিল যে অৰ্শদীপে পাকিস্তানী পেচাৰজনক অনুকৰণ কৰিছে। যদিও অৰ্শদীপৰ সমৰ্থকসকলে অনুভৱ কৰে যে জাহিৰ খান ভাৰতৰ বাওঁহাতৰ পেচাৰৰ বাবে প্ৰেৰণা, শ্বাহীন নহয়। বহুতে অনুভৱ কৰে যে আৰ্শদীপে প্ৰাক্তন ভাৰতীয় পেচাৰ জাহিৰ খানৰ উদযাপনৰ ইংগিত নকল কৰিছে।
কলকাতা নাইট ৰাইডাৰ্চৰ বিৰুদ্ধে ৩ অভাৰত ১৯ ৰানেৰে ৩টা উইকেট দখল কৰে আৰ্শদীপে। খেলখনত জয়ী হয় পাঞ্জাৱ কিংছ। তেওঁলোকৰ পৰৱৰ্তী মেচ ৰাজস্থানৰ বিৰুদ্ধে। সেই মেচ ৫ এপ্ৰিলত গুৱাহাটীত অনুষ্ঠিত হ’ব।
ভাৰতৰ হৈ ২৬খন টি-২০ মেচত ৪১টা উইকেট দখল কৰিছে অৰ্শদীপে। ভাৰতৰ হৈ টি-২০ বিশ্বকাপও খেলিছিল। যোৱাবাৰ আই পি এলত যদিও তেওঁৰ আধিপত্য দেখা গৈছিল। এইবাৰো প্ৰথম মেচত সেই শক্তি দেখুওৱাইছে।
Continue Reading
