ডিজিটেল ডেস্কঃ মোগল সম্ৰাট শ্বাহজাহানৰ ৩৬৮ সংখ্যক মৃত্যু বাৰ্ষিকী উদযাপনৰ বাবে ১৭ ৰ পৰা ১৯ ফেব্ৰুৱাৰীলৈ তিনিদিনৰ বাবে আগ্ৰাৰ তাজমহলত দৰ্শকৰ বাবে প্ৰৱেশ বিনামূলীয়া হ'ব৷ এই দিনকেইটাত তীৰ্থযাত্ৰী আৰু পৰ্যটকসকলৰ বাবে শ্বাহজাহান আৰু মুমতাজৰ সমাধিও মুকলি কৰি দিয়া হ’ব৷
উৰ্ছ সমিতিৰ অধ্যক্ষ ইব্ৰাহিম জৈদীয়ে কয় যে প্ৰতি বছৰৰ দৰে শ্বাহজাহানৰ উৰ্ছ এই বছৰৰ ১৭ ফেব্ৰুৱাৰীৰ পৰা ১৯ ফেব্ৰুৱাৰীলৈ অনুষ্ঠিত হ'ব। এই তিনিদিনৰ বাবে তীৰ্থযাত্ৰী আৰু পৰ্যটকৰ বাবে তাজমহলত প্ৰৱেশ বিনামূলীয়া হ'ব। মোগল সম্ৰাট শ্বাহজাহান আৰু তেওঁৰ পত্নী মুমতাজৰ সমাধিসমূহো এই তিনিদিন খোলা থাকিব। ১৭ ফেব্ৰুৱাৰীত, 'ঘুছল'ৰ অনুষ্ঠান (বিভিন্ন ৰীতি-নীতি আৰু প্ৰাৰ্থনাৰ আগতে সম্পূৰ্ণ শৰীৰ বিশুদ্ধকৰণ ) দুপৰীয়া ২ বজাত আৰম্ভ হ'ব।
১৮ ফেব্ৰুৱাৰীত 'মিলাদ শ্বৰীফ'ৰ অনুষ্ঠান পালন কৰা হ'ব। ১৯ ফেব্ৰুৱাৰীত, 'কুল' (কোৰাণৰ চাৰিটা অধ্যায় আবৃত্তি কৰা) আৰু 'চাদৰ পোছি' আগবঢ়োৱা হ’ব৷ এই বছৰ উৰ্ছ উপলক্ষে সম্ৰাট শ্বাহজাহানৰ সমাধিলৈ ১,৪৫০ মিটাৰ দৈৰ্ঘ্যৰ এখন চাদৰ আগবঢ়োৱা হ'ব।
ভাৰতীয় পুৰাতাত্ত্বিক জৰীপ বিভাগৰ সূত্ৰই কয় যে সেই তিনিদিনত তাজমহলৰ ভিতৰত নিষিদ্ধ কৰা সামগ্ৰীবোৰৰ ভিতৰত আছে চিগাৰেট, বিড়ি, গুটখা, ধঁপাত, পান মচলা, যিকোনো ধৰণৰ পতাকা, বেনাৰ, পোষ্টাৰ, কিতাপ, ৩৬ ইঞ্চিতকৈ ডাঙৰ ড্ৰাম, বেণ্ড, স্ক্ৰুড্ৰাইভাৰ, লাইটাৰ, আগ্নেয়াস্ত্ৰ, চুৰি আদি।
Continue Reading
