ডিজিটেল ডেস্কঃ বলীউড বাদশ্বাহ শ্বাহৰুখ খানে আজি ভৰি দিলে ৫৭ বছৰত। সকলোৱে শুভেচ্ছাৰে উপচাই দিছে শ্বাহৰুখ খানক। কিং খানৰ বাসগৃহ মন্নতৰ বাহিৰত নিশা ১২ বজাৰে পৰা অনুৰাগীৰ ভিৰ দেখিবলৈ পোৱা গৈছে। ১৯৬৫ চনৰ ২ নৱেম্বৰত দিল্লীত এটা সাধাৰণ পৰিয়ালত জন্মগ্ৰহণ কৰিছিল শ্বাহৰুখ খানে। কিন্তু তেওঁৰ কঠোৰ পৰিশ্ৰম, সদায় জয়ী হোৱাৰ চিন্তা, আৰু ডাঙৰ কাম এটা কৰিবলৈ চেষ্টা কৰাটোৱে তেওঁক আজিৰ পৃথিৱীৰ আটাইতকৈ ডাঙৰ ছুপাৰষ্টাৰ কৰি তুলিছে।
শ্বাহৰুখ খানক কিং অৱ ৰোমাঞ্চ, কিং খান, কিং অৱ বলীউড, বাদশ্বাহ আদি বহু নামেৰে জনা যায়। সফলতাৰ সৰ্বোচ্চ শিখৰ চুূূবলৈ সক্ষম হোৱা শ্বাহৰুখৰ জীৱনৰ পৰা শিকিবলগীয়া বহুত কথাই আছে। তেওঁৰ জন্মদিন উপলক্ষে জানো আহক শ্বাহৰুখ খানৰ জীৱনৰ পৰা কি কি শিক্ষা ল’ব পাৰি।
১) সদায় ডাঙৰ চিন্তা কৰক: জীৱনত সদায় ডাঙৰ সাফল্যৰ কথা চিন্তা কৰা শ্বাহৰুখ খানৰ পৰা নিশ্চিতভাৱে শিকিব পাৰি। কাৰণ ডাঙৰ কাম এটা লাভ কৰিবলৈ ডাঙৰ চিন্তা কৰিব লাগিব। আজি এই চিন্তাধাৰাৰ বাবেই তেওঁ সমগ্ৰ বিশ্বতে বিখ্যাত হৈ পৰিছে। তেওঁৰ অনুৰাগীসকল কেৱল দেশতে নাই বিদেশতো আছে। তেওঁ পৃথিৱীৰ অন্যতম ধনী অভিনেতা। ডাঙৰ কাম এটা লাভ কৰিবলৈ নিজকে বিশ্বাস কৰাটো অতি প্ৰয়োজনীয়। শ্বাহৰুখ খানে সদায় ডাঙৰ আৰু দূৰলৈকে চিন্তা কৰে। তেওঁৰ ছবি বাজিগৰৰ এটা সংলাপ আছে - কেতিয়াবা কিবা এটা জিকিবলৈ হ'লে কিবা এটা হেৰুৱাব লাগে, আৰু হাৰি যোৱাৰ পিছত জয়ী হোৱাজনক বাজিগৰ বুলি কোৱা হয়।
২) সপোন দেখি থাকিব লাগেঃ শ্বাহৰুখ খানৰ প্ৰথম দিনৰ কথা যদি জানে তেন্তে তেওঁৰ প্ৰথম উপাৰ্জন আছিল মাত্ৰ ৫০ টকা কিন্তু আজি তেওঁ সৰ্বাধিক উপাৰ্জন কৰা অভিনেতাসকলৰ ভিতৰত অন্যতম। তেওঁ কেতিয়াও সপোন দেখা বন্ধ কৰা নাছিল। মুম্বাইলৈ আহি তেওঁ সপোন দেখিছিল যে তেওঁৰো এটা ডাঙৰ বাংলো থাকিব। চাওক আজি শ্বাহৰুখ খানৰ নিজাকৈ 'মন্নত' বাংলো আছে। যিটো আৰব সাগৰৰ সমীপত আছে। যাৰ আজি দাম ২০০ কোটি টকাৰো অধিক। শ্বাহৰুখ খানৰ পৰা সপোন দেখাৰ কলা শিকিব লাগে।
৩) প্ৰেমৰ বাবে ধৰ্ম বাধা নহয়ঃ আজিও বহু লোকৰ প্ৰেম আধৰুৱা হয় ৰয় কাৰণ ধৰ্ম কেতিয়াবা বাধা হৈ পৰে। কিন্তু শ্বাহৰুখ খানে আনন্দৰে নিজৰ ধৰ্মৰ বিৰুদ্ধে গৈ হিন্দু গৌৰীক বিয়া কৰালে। শ্বাহৰুখ আৰু গৌৰী দুয়োজনে ইজনে সিজনক বৰ ভাল পাইছিল, আৰু দুয়োৰে বিয়াও হৈছিল। আজি দুয়োৰে তিনিটা সন্তান। বিবাহৰ বহু বছৰৰ পাছতো দুয়োৰে প্ৰেম কোনো দিন কমি যোৱা নাই। সময়ৰ লগে লগে দুয়োৰে মাজত আৰু অধিক প্ৰেম বাঢ়িছে। আনকি ধৰ্মৰ দেৱালখনো কেতিয়াও দুয়োৰে মাজত আহিব নোৱাৰিলে।
৪) কঠোৰ পৰিশ্ৰম : আজি শ্বাহৰুখ খানক আটাইতকৈ কঠোৰ পৰিশ্ৰমী অভিনেতা হিচাপে গণ্য কৰা হয়। সংবাদ মাধ্যমৰ বাতৰি অনুসৰি তেওঁ বহু সাক্ষাৎকাৰত উল্লেখ কৰিছে যে তেওঁ আজিৰ আটাইতকৈ ডাঙৰ অভিনেতা বুলি কেতিয়াও বিশ্বাস নকৰে। তেওঁ নিজৰ ছবিবোৰত নতুন নতুন পৰীক্ষা-নিৰীক্ষা কৰি থাকে। মন কৰিবলগীয়া যে বলীউডৰ কোনো ডাঙৰ পৰিয়ালৰ সৈতে তেওঁৰ সম্পৰ্ক নাছিল, তথাপিও তেওঁ বলীউডৰ ৰজা হৈ পৰিছিল। তেওঁৰ কঠোৰ পৰিশ্ৰম, আবেগ আৰু কৰ্মৰ প্ৰতি থকা আবেগে তেওঁক আজি আটাইতকৈ ডাঙৰ কৰি তুলিলে। আমি সকলোৱে শ্বাহৰুখ খানৰ জীৱনৰ পৰা এই শিক্ষা ল’ব লাগিব। শ্বাহৰুখ খানে কয় যে তেওঁ লাইট, কেমেৰা আৰু একচনৰ সন্মুখত শেষ উশাহ ল’ব বিচাৰে। তেওঁ যে কামক কিমান ভাল পায় সেই কথাৰ পৰা অনুমান কৰিব পাৰি।
৫) সকলোৰে প্ৰতি সন্মান: শ্বাহৰুখ খান এজন ভাল অভিনেতাৰ লগতে এজন ভাল মানুহ। তেওঁ সকলোকে সন্মান কৰে। একে সময়তে শ্বাহৰুখ খানে নিজৰ সন্তানক শিকাইছে যে হিন্দু আৰু মুছলমান নাই। আমি হিন্দুস্তানী। শ্বাহৰুখ খানে এটা শ্ব’ত কৈছিল যে মই মুছলমান, মোৰ পত্নী হিন্দু আৰু মোৰ সন্তান হিন্দুস্তানী। এই কথা আমি শ্বাহৰুখ খানৰ পৰা শিকিব লাগে। ইয়াৰ বাহিৰেও শ্বাহৰুখ খানে সদায় নাৰীক সন্মান কৰিবলৈ কয়। তেওঁ কয় যে "মই নাৰীক সন্মান কৰো, সেইবাবেই সকলো ছোৱালীয়ে মোক ভাল পায়।"
এয়াই অভিনেতা শ্বাহৰুখ খানৰ জীৱনৰ পৰা আমি শিকিব পৰা কিছুমান কথা। যদি আপুনি তেওঁৰ জীৱনৰ পৰা বা তেওঁৰ ছবিৰ পৰা অধিক জানিব বিচাৰে তেন্তে আপুনি বহুত গৱেষণা কৰিব লাগিব। শ্বাহৰুখ খানৰ জীৱনটো প্ৰেৰণাৰে ভৰা, যিয়ে বহুলোককে অনুপ্ৰাণিত কৰে।
উল্লেখ্য যে ২০১৮ চনত শ্বাহৰুখ খানক জিৰ’ ছবিত দেখা গৈছিল। তেওঁৰ পৰৱৰ্তী ছবি ২০২৩ চনৰ জানুৱাৰী মাহত মুক্তি পাব। ২৫ জানুৱাৰীত 'পাথান' ছবিত তেওঁক দেখা যাব। ইয়াৰ পিছত ২০২৩ চনৰ জুন মাহত তেওঁক দেখা যাব 'জৱান' ছবিত। তাৰ পিছত বছৰৰ শেষত তেওঁক 'ডংকি' ছবিত দেখা যাব। অৰ্থাৎ ২০২৩ বৰ্ষটো শ্বাহৰুখৰ নামেৰে নামাকৰণ হ’বলৈ গৈ আছে।
Continue Reading
