ডিজিটেল ডেস্কঃ শেহতীয়াকৈ আইপিএলৰ খেলত এক অভাৰৰ পাঁচটা বলত পাঁচটা ছয় মাৰি নজিৰ গঢ়া ৰিংকু সিঙৰ বিয়া৷ বিয়ালৈ ৰিংকুৱে নিমন্ত্ৰণ দিবলগীয়া হৈছে বলীউডৰ বাদশ্বাহ শ্বাহৰুখ খানকো৷ কেকেআৰৰ মালিক শ্বাহৰুখ খান ৰিংকু সিঙৰ প্ৰদৰ্শনত বাৰুকৈয়ে সুখী৷ ৰিংকুৰ প্ৰদৰ্শনত বলীউডৰ তাৰকাগৰাকী ইমানেই উৎসাহিত যে তেওঁ নিজেই ৰিংকুৰ বিয়ালৈ যাবলৈ মন কৰিছে৷
নিজৰ বিয়ালৈ শ্বাহৰুখক নিমন্ত্ৰণ জনাবলৈ পাই ৰিংকুও সুখী হৈ পৰিছে৷ শ্বাহৰুখ খানে ৰিংকুৰ বিয়াত আনকি নৃত্যও কৰিব বুলি ঘোষণা কৰিছে৷ কলকাতা নাইট ৰাইডাৰ্ছৰ ক্ৰিকেটাৰ ৰিংকুৰ বিয়াত নৃত্য শ্বাহৰুখে নৃত্য কৰিব বুলি জানিব পাৰি ৰিংকুৰ হিয়া এতিয়া গৰ্বত উথলি উঠিছে৷ৰিংকু সিঙে ইডেনত ৰয়েল চেলেঞ্জাৰ্ছ বাংগালোৰৰ বিৰুদ্ধে আক্ৰমণাত্মক ইনিংছ খেলিছিল। তেওঁ খেলখনৰ অন্তিম পাঁচটা বলত একেৰাহে পাঁচটা ছয় মাৰি কেকেআৰক আহমেদাবাদত গুজৰাট টাইটানছৰ বিৰুদ্ধে নিশ্চিত জয়লাভত সহায় কৰিছিল।
এই বছৰৰ আই পি এলত ৰিংকু ভাল ছন্দত আছে। শ্বাহৰুখও তেওঁৰ খেলত সুখী৷ বলীউডৰ বাদশ্বাহ ইমানেই সুখী হৈছে যে তেওঁ ৰিংকুৰ বিয়াত নাচিব বুলি প্ৰতিশ্ৰুতি দিছে। এই সন্দৰ্ভত ৰিংকুৱে কয় "ছাৰে (শ্বাহৰুখ) গুজৰাটৰ খেলৰ পিছত মোক ফোন কৰিছিল। তেওঁ মোৰ বিয়াৰ বিষয়ে সুধিছিল।’’ শ্বাহৰুখে কৈছিল, "বহুলোকে মোক বিয়ালৈ যাবলৈ অনুৰোধ কৰিছিল। মই ক'লৈও যোৱা নাই। কিন্তু মই তোমাৰ বিয়াত নাচিম। ''
ৰিংকুৱে ২০১৮ চনৰ পৰা কলকাতা নাইট ৰাইডাৰ্ছৰ হৈ খেলি আছে। উত্তৰ প্ৰদেশৰ ক্ৰিকেটাৰজন এটা দৰিদ্ৰ পৰিয়ালৰ পৰা অহা৷ কিন্তু শ্বাহৰুখ খানে ৰিংকুৰ বিয়াত নাচিম বুলি কৈছে যদিও এতিয়ালৈকে ৰিংকুৰ কইনাই ঠিক হোৱা নাই৷ শ্বাহৰুখে মাথো আগতীয়াকৈ ৰিংকুৰ পৰা বিয়াৰ আমন্ত্ৰণ গ্ৰহণ কৰি ৰিংকুৰ বিয়াত নাচিম বুলি কথা দিছে৷ সকলোৰে আশা ৰিংকুৰ কইনা শীঘ্ৰে ঠিক হ’ব আৰু শ্বাহৰুখেও তেওঁৰ বিয়াত নৃত্য কৰাৰ আশা পূৰণ কৰিব পাৰিব৷
Continue Reading
