ডিজিটেল ডেস্কঃ শ্বাহৰুখ খানৰ অনুৰাগী বাবেই কটু কথা শুনিব লগা হৈছে পাকিস্তানৰ এগৰাকী জনপ্ৰিয় অভিনেত্ৰীয়ে৷ তেওঁ হৈছে মাহিৰা খান৷ দেশখনৰ চিনেটৰ আফনান উল্লা খানে অভিনেত্ৰীগৰাকীক লক্ষ্য কৰি লৈছে৷

Listen to Article

2 min read

80%

চিনেটৰগৰাকীয়ে মাহিৰাক কটাক্ষ কৰি কয়- ‘‘ধনী নায়ক পালে তেওঁক আৰু একো নিবিচাৰে নেকি?’’ ছ’চিয়েল মিডিয়াত মাহিৰাক ‘নিৰ্লজ্জ’, ‘নীচ’ আনকি মানসিকভাৱে অসুস্থ বুলিও দাবী কৰে চিনেটৰগৰাকীয়ে।

উল্লেখ্য যে মাহিৰাই শ্বাহৰুখৰ স’তে ২০১৭ চনত ‘ৰয়ছ’ নামৰ ছৱিখনত অভিনয় কৰিছিল৷ শেহতীয়াকৈ পাকিস্তানত আয়োজিত উদ্যোগ সন্মিলনত আনোৱাৰ মকছুদে আয়োজন কৰা এক অনুষ্ঠানত মাহীৰাই বলীউডত কাম কৰাৰ অভিজ্ঞতাৰ কথা কৈছিল। তাতেই তেওঁ কৈছিল যে শ্বাহৰুখ তেওঁৰ সপোনৰ নায়ক।

তেওঁৰ ভাষাত- “শ্বাহৰুখ মোৰ সময়ৰ নায়ক। মই তেওঁক ভাল পাওঁ। তেওঁৰ লগত কাম কৰাৰ সপোন দেখিছিলো। মই কেতিয়াও ভবা নাছিলো যে সেই সপোন কেতিয়াও বাস্তৱায়িত হ'ব।"

তাৰ পিছত মকছুদে মাহীৰাক সুধিলে যে তাই কোনটো ৰাজনৈতিক দলক সমৰ্থন কৰে। মহিৰাই হাঁহি হাঁহি প্ৰথমে মনে মনে থাকে। ইয়াৰ পিছত তেওঁ কয় যে শেহতীয়াকৈ এখন ছবি মুক্তি পাইছে। "মই পাঠানৰ দলৰ লোক৷"- এইদৰে উত্তৰ দিয়ে অভিনেত্ৰীগৰাকীয়ে। মাহিৰাই কয় যে- ‘‘‘ৰয়ছ’ৰ পিছত তেওঁ শ্বাহৰুখৰ সৈতে পুনৰ এটা নতুন প্ৰজেক্টত টিম আপ কৰিব বিচাৰে।’’

এই মন্তব্যৰ কাৰণেই তেওঁ পাকিস্তানী চিনেটৰৰ চকুৰ কূটা দাতৰ শূল হৈ পৰিছে। অনুষ্ঠানটো চোৱাৰ পিছত চিনেটৰ আফনানে উৰ্দু ভাষাত টুইট কৰি মাহিৰাক সমালোচনা কৰিছে৷